వస్తాడమ్మా నీ దైవమూ
చిత్రం : మురళీకృష్ణ (1964)
సంగీతం : మాస్టర్ వేణు
గీతరచయిత : ఆచార్య ఆత్రేయ
నేపధ్య గానం : సుశీల
పల్లవి :
వస్తాడమ్మా నీ దైవమూ.. వస్తుందమ్మా వసంతమూ
వస్తాడమ్మా నీ దైవమూ.. వస్తుందమ్మా వసంతమూ
కలలే నిజమై వలపే వరమై
కళ కళ లాడును జీవితము
వస్తాడమ్మా నీ దైవమూ వస్తుందమ్మా వసంతమూ
చరణం 1 :
పేరే కాదు ప్రేమకు కూడా శ్రీకృష్ణుడమ్మా నీ ప్రియుడు
పేరే కాదు ప్రేమకు కూడా శ్రీకృష్ణుడమ్మా నీ ప్రియుడు
తన ముద్దుల మురళిగ నిను మార్చి
తన ముద్దుల మురళిగ నిను మార్చి
మోహనరాగం ఆలపించును
వస్తాడమ్మా నీ దైవమూ వస్తుందమ్మా వసంతమూ
చరణం 2 :
పసిపాపవలే నిను ఒడి చేర్చి కనుపాపవలే కాపాడును
పసిపాపవలే నిను ఒడి చేర్చి కనుపాపవలే కాపాడును
నీ మనసే మందిరముగ చేసీ.. ఈ ...
నీ మనసే మందిరముగ చేసి దైవం తానై వరములిచ్చును
వస్తాడమ్మా నీ దైవమూ వస్తుందమ్మా వసంతమూ
చరణం 3 :
ఎక్కడివాడో ఇక్కడి వాడై దక్కినాడు నీ తపసు ఫలించి
ఎక్కడివాడో ఇక్కడి వాడై దక్కినాడు నీ తపసు ఫలించి
నాడొక చెట్టును మోడు చేసినా ఆ వాడే మోడుకు చిగురు పూర్చును
వస్తాడమ్మా నీ దైవమూ వస్తుందమ్మా వసంతమూ
No comments:
Post a Comment