మౌనం ఆలాపన
చిత్రం : స్రవంతి (1986)
సంగీతం : చక్రవర్తి
గీతరచయిత : వేటూరి
నేపధ్య గానం : బాలు, సుశీల
పల్లవి :
మౌనం ఆలాపన.. మధురం ఆరాధన
దొరికే దేవుని పరిచయం..కలిగే జీవన పరిమళం
కాలమా నిలిచిపో... కావ్యమై మిగిలిపో
తొలి రేయి నీడలో... హో
మౌనం ఆలాపన... మధురం ఆరాధన
చరణం 1 :
కలలే నిజమై.. పది కాలాల బంధాలు ముందుంచగా...
యుగమే క్షణమై.. అనురాగాల హరివిల్లు అందించగా...
దివిలో మెరిసే ఆ నక్షత్ర నాదాలు వినిపించగా
మధుమాసానికి పూల ఉగాది.. శతమానానికి ప్రేమే నాంది
హే వసంతాలు సొంతాలుగా చేసుకో....
మందహాసాల మందార పూదోటలో...
ఆ...ఆ...ఆ..
మౌనం ఆలాపన... మధురం ఆరాధన
చరణం 2 :
ఇహమో పరమో తీపి కన్నీటి కెరటాలు పొంగించగా
శుభమో సుఖమో... తేనె వెన్నెల్లో తెల్లారి పోతుండగా
ఒరిగే తులసీ మౌన గంధాల గానాలు వినిపించగా
కనివిని ఎరుగని సంగమ వేళ.. గుప్పెడు మనసుల ఆశల హేల
లేత చిరునవ్వునే పాపగా పెంచుకో ....
రాలు కుసుమాల రాగాలనే తెలుసుకో...
ఆ..ఆ...ఆ..
మౌనం ఆలాపన... మధురం ఆరాధన
దొరికే దేవుని పరిచయం... కలిగే జీవన పరిమళం
కాలమా నిలిచిపో... కావ్యమై మిగిలిపో...
తొలి రేయి నీడలో...
మౌనం ఆలాపన...మధురం ఆరాధన
No comments:
Post a Comment