రానిక నీకోసం

చిత్రం :  మాయని మమత (1970)
సంగీతం : అశ్వత్థామ
గీతరచయిత :  దేవులపల్లి
నేపథ్య గానం :  ఘంటసాల 

పల్లవి :

రానిక నీకోసం సఖీ...  రాదిక వసంత మాసం
రానిక నీకోసం సఖీ...  రాదిక వసంత మాసం

రాలిన సుమాలు ఏరుకొని...  జాలిగ గుండెల దాచుకోని
ఈ దూరపు సీమలు చేరుకొని
రానిక నీకోసం సఖీ...  రాదిక వసంత మాసం

చరణం 1 :

వాకిటిలో నిలబడకు...  ఇంక నాకై మరిమరీ చూడకు .. 

చూడకువాకిటిలో నిలబడకు...  ఇంక నాకై మరిమరీ చూడకు

ప్రతి గాలి సడికి తడబడకు...  పదధ్వనులని పొరబడకు

కోయిలా కోయలే… గూడు గుబులై పోయేలే….

రానిక నీకోసం సఖీ...  రాదిక వసంత మాసం

చరణం 2 :

పగలంతా నా మదిలో మమతలు సెగలై లో లో రగులునులే
నిద్రరాని నిశినైనా నాకు నిష్టుర వేదన తప్పదులే
పోనీలే… ఇంతేలే.. గూడు గుబులై పోయేలే ..

రానిక నీకోసం సఖీ... రాదిక వసంత మాసం…రాదిక వసంత మాసం

కనులు మాటలాడునని

చిత్రం :  మాయని మమత (1970)
సంగీతం : అశ్వత్థామ
గీతరచయిత :  సినారె
నేపథ్య గానం :  ఘంటసాల, సుశీల

పల్లవి:

కనులు మాటలాడునని.. ఈ...
మనసు పాట పాడునని.. ఈ...

కనులు మాటలాడునని.. మనసు పాట పాడునని
కవితలల్లితి ఇన్నాళ్ళు.. అది కనుగొన్నాను ఈనాడు

కనులు మాటలాడునని.. మనసు పాట పాడునని
కవితలల్లగ విన్నాను.. అది కనుగొన్నాను ఈనాడు

చరణం 1:

మెత్తగ సాగే మేనితీగ మెలికలు తిరిగితె.. ఒక అందం
ఆ... ఆ.... ఆ... ఆ...ఆ... ఆ...

మెత్తగ సాగే మేనితీగ మెలికలు తిరిగితె.. ఒక అందం
ఆ మేనితీగ వలపుల పందిట అల్లుకుంటే.. ఒక అందం
మలయానిలమున చెలి ముంగురుల మబ్బులూగితే.. ఒక అందం
ఆ ముంగురులే చెలికాణి మోముపై ముసురుకుంటే.. ఒక అందం
అదే... ముద్దులొలికే అనుబంధం...

కనులు మాటలాడునని.. మనసు పాట పాడునని
కవితలల్లితి ఇన్నాళ్ళు.. అది కనుగొన్నాను ఈనాడు

చరణం 2:

వేచిన కలువ వెన్నెల జల్లుల విరిసిపోతే.. మధురానందం
ఆ కలువ చెలువ నెలరాయునిలో కరిగిపోతే.. మహదానందం
జగములనేలే చంద్రవదనతో ఎగిసిపోతే.. దివ్యానందం
ఎగిసి ఎగిసి పులకించిన మనసులు ఏకమైతే.. రసానందం...
అదే... యుగయుగాల అనుబంధం...

http://www.allbestsongs.com/telugu_songs/play-Telugu-Songs-iphone.php?plist=18241