జగమంతా కుటుంబం నాది

చిత్రం: చక్రం (2005) 
సంగీతం: చక్రి 
గీతరచయిత: సిరివెన్నెల 
నేపధ్య గానం: శ్రీ 

పల్లవి: 

జగమంతా కుటుంబం నాది ఏకాకి జీవితం నాది 
జగమంతా కుటుంబం నాది ఏకాకి జీవితం నాది 
సంసార సాగరం నాదే సన్యాసం శూన్యం నావే 
జగమంతా కుటుంబం నాది ఏకాకి జీవితం నాది 

చరణం 1: 

కవినై కవితనై భార్యనై భర్తనై 
కవినై కవితనై భార్యనై భర్తనై 
మల్లెల దారిలో మంచు ఎడారిలో 
మల్లెల దారిలో మంచు ఎడారిలో 
పన్నీటి జయగీతాల కన్నీటి జలపాతాల 
నాతో నేను అనుగమిస్తూ నాతో నేనే రమిస్తూ 
వంటరినై అనవరతం కంటున్నాను నిరంతరం 
కలల్ని కథల్ని మాటల్ని పాటల్ని 
రంగుల్నీ రంగావల్లులన్ని కావ్య కన్యలన్ని ఆడపిల్లలని 

చరణం 2: 

మింటికి కంటిని నేనై 
కంటను మంటను నేనై 

మింటికి కంటిని నేనై 
కంటను మంటను నేనై 

మంటల మాటున వెన్నెల నేనై 
వెన్నెల పూతల మంటను నేనై 
రవినై శశినై దివమై నిశినై 
నాతో నేను సహగమిస్తూ నాతో నేనే రమిస్తూ 
వంటరినై ప్రతినిమిషం కంటున్నాను నిరంతరం 
కిరణాల్ని కిరణాల హరిణాల్ని హరిణాల చరణాల్ని చరణాల 
చలనాన కానరాని గమ్యాల కాలాన్ని ఇంద్ర జాలాన్ని 

చరణం 3: 

గాలి పల్లకీలోన తరలి నా పాట పాప ఊరేగి వెడలె 
గొంతు వాకిలిని మూసి మరలి తను మూగబోయి నా గుండె మిగిలె 
నా హృదయమే నా లోగిలి 
నా హృదయమే నా పాటకి తల్లి 
నా హృదయమే నాకు ఆలి 
నా హృదయములో ఇది సినీవాలి

కొంచెం కారంగా

చిత్రం: చక్రం (2005) సంగీతం: చక్రి గీతరచయిత: సిరివెన్నెల నేపధ్య గానం: కౌసల్య పల్లవి: కొంచెం కారంగా..కొంచెం గారంగా కొంచెం కష్ఠంగా..కొంచెం ఇష్ఠం గా అందించనీ అధిరే అధరాంజలి..బంధించనీ కాలాన్నీ కౌగిలీ సుడిగాలిగా మారి చుట్టేసుకోవాలి మంచల్లే నిమిరే నీ జాలి..మంటల్లె నను మరిగించాలి కొంచెం కారంగా..కొంచెం గారంగా కొంచెం కష్ఠంగా..కొంచెం ఇష్ఠం గా చరణం 1: తలుపేసుకుంటే .. నీ తలపాగుతుందా మదిలో నువ్వుంటే .. స్నానం సాగుతుందా నీ విషమే పాకింది నర నరమునా... ఇక నా వశము కాకుంది యమ యాతనా... లేని పోని నిందలు గాని..హాయిగానే ఉందీ గాని ఉన్నమాట నీతో చెప్పనీ ! కొంచెం కారంగా..కొంచెం గారంగా కొంచెం కష్ఠంగా..కొంచెం ఇష్ఠం గా చరణం 2: అమ్మాయినంటూ .. నాకే గుర్తు చేస్తూ లాగావు గుట్టూ .. గుండెల్లోకే చూస్తూ నీ గాలి కబురొచ్చి నులివెచ్చగా నువ్వేమేమి చేస్తావో చెబుతుండగా మనసు కంది మన్మధలేఖ..కెవ్వుమంది కమ్మని కేక వయసు కందిపోయే వేడిగా ! కొంచెం కారంగా..కొంచెం గారంగా కొంచెం కష్ఠంగా..కొంచెం ఇష్ఠం గా అందించనీ అధిరే అధరాంజలి..బంధించనీ కాలాన్నీ కౌగిలీ సుడిగాలిగా మారి చుట్టేసుకోవాలి మంచల్లే నిమిరే నీ జాలి..మంటల్లె నను మరిగించాలి కొంచెం కారంగా..కొంచెం గారంగా కొంచెం కష్ఠంగా..కొంచెం ఇష్ఠం గా

ఒకే ఒక మాట

చిత్రం: చక్రం (2005)
సంగీతం: చక్రి
గీతరచయిత: సిరివెన్నెల
నేపధ్య గానం: చక్రి

పల్లవి:

ఒకే ఒక మాట మదిలోన దాగుంది మౌనంగా
ఒకే ఒక మాట పెదవూపలేనంత తీయంగా
నా పేరు నీ ప్రేమనీ
నా దారి నీ వలపనీ
నా చూపు నీ నవ్వనీ
నా ఊపిరే నువ్వనీ
నీకు చెప్పాలని

ఒకే ఒక మాట మదిలోన దాగుంది మౌనంగా
ఒకే ఒక మాట పెదవూపలేనంత తీయంగా

చరణం 1:

నేను అని లేను అని చెబితే ఏం చేస్తావు
నమ్మనని నవ్వుకొని చాల్లే పోమ్మంటావు
నీ మనసులోని ఆశగా నిలిచేది నేననీ
నీ తనువులోని స్పర్సగా తగిలేది నేననీ
నీ కంటిమైమరుపులో నను పొల్చుకుంటాననీ
తల ఆన్చి నీ గుండెపై నా పేరు వింటాననీ
నీకు చెప్పాలని

చరణం 2:

నీ అడుగై నడవడమే పయనమన్నది పాదం
నిను విడిచి బతకడమే మరణమన్నది ప్రాణం
నువ్వు రాకముందు జీవితం గురుతైన లేదనీ
నిను కలుసుకున్న ఆ క్షణం నను వొదిలిపోదనీ
ప్రతి ఘడియ ఓ జన్మగా నే గడుపుతున్నాననీ
ఈ మహిమ నేదేననీ నీకైనా తెలుసా అనీ
నీకు చెప్పాలని