వలచిన మనసే ఆలయం

చిత్రం : కలెక్టర్ జానకి (1972)
సంగీతం : వి. కుమార్
గీతరచయిత : సినారె
నేపధ్య గానం :  సుశీల, 

పల్లవి :

వలచిన మనసే ఆలయం... అది ఒకే దేవునికి నిలయం
ఆ దేవుని అలరించు దారులు రెండు
ఒకటి అనురాగం...  ఒకటి ఆరాధనం

నీ వన్నది ..
నీ వన్నది నీ వనుకున్నది... నే నన్నది ఇలలో వున్నది
నీ వన్నది నీ వనుకున్నది... నే నన్నది ఇలలో వున్నది
నీ మదిలో మెదిలే స్వప్నమది...
నీ మదిలో మెదిలే స్వప్నమది... స్వప్నంకాదు... సత్యమిది
మాయని జీవిత సత్యమిది

నీ వన్నది నీ వనుకున్నది... 

చరణం 1 :

ఒక హృదయంలో నివసించేది... ఒకే ప్రేమికుడు కాదా
ఒక హృదయంలో నివసించేది... ఒకే ప్రేమికుడు కాదా

ఆ ప్రేమికుని మనసార చూసే...
ఆ ప్రేమికుని మనసార చూసే... కన్నులు రెండు కాదా

శ్రీనివాసుని ఎదపై నిలిచేది
శ్రీనివాసుని ఎదపై నిలిచేది... శ్రీలక్ష్మీయేకాదా

అలివేలుమంగ దూరానవున్నా...
అలివేలుమంగ దూరానవున్నా... ఆతని సతియేకాదా.. ఆతని సతియేకాదా

నీ వన్నది నీ వనుకున్నది... నే నన్నది ఇలలో వున్నది
నీ వన్నది నీ వనుకున్నది... 

చరణం 2 :

బ్రతుకుదారిలో నడిచేవారికి గమ్యం ఒకటే కాదా
బ్రతుకుదారిలో నడిచేవారికి గమ్యం ఒకటే కాదా

పదిలంగా ఆ గమ్యం చేర్చే
పదిలంగా ఆ గమ్యం చేర్చే... పాదాలు రెండు కాదా

కృష్ణుని సేవలో
కృష్ణుని సేవలో... పరవశమొందిన రుక్మిణి నా ఆదర్శం

అతని ధ్యానమున అన్నీ మరచిన
అతని ధ్యానమున అన్నీ మరచిన... రాధయె నా ఆదర్శం
రాధయె నా ఆదర్శం

కదిలే మేఘమా

చిత్రం : లైలా (1990)
సంగీతం : ఎం.ఎస్. విశ్వనాథన్
గీతరచయిత : సినారె
నేపధ్య గానం : బాలు

పల్లవి : 

ఉ హూ హూ... హూహూహూ
ఆహాహా... ఆ... హా... హా .. ఆ.. ఆ
ఏహె ఏహె.. ఒహో హో హో హో
లలల లాలల లా.. హాహాహా హా హా

కదిలే మేఘమా.. కవితా రాగమా
కాళిదాస కమనీయ భావనా
గాంధర్వ రసయోగమా... గాంధర్వ రసయోగమా

కదిలే మేఘమా.. కవితా రాగమా
కాళిదాస కమనీయ.. భావనా
గాంధర్వ రసయోగమా... గాంధర్వ రసయోగమా

చరణం 1 :

నీ గగనవాణి.. ఎగిసిపోనీ శృతులుగా..
నా నవ్యగీతాలలో... నా నవ్యగీతాలలో

నీ చెలితవేణీ.. కులికి పోనీ జతులుగా...
నా భావనాట్యాలలో... నా భావ నాట్యాలలో

ఆవిరిలో ఉదయించే జీవన మధుకోశమా
ఆవిరిలో ఉదయించే జీవన మధుకోశమా

కదిలే మేఘమా.. కవితా రాగమా
కాళిదాస కమనీయ.. భావనా
గాంధర్వ రసయోగమా... గాంధర్వ రసయోగమా 

చరణం 2 :

నా కనులలోన.. కలలవానా కురిసినది
నీ కన్నె పరవళ్ళతో...  నీ కన్నె పరవళ్ళతో
నా మనసులోన విరహవీణ పలికినది
నీ నీలి కన్నీళ్ళతో...  నీ నీలి కన్నీళ్ళతో

అణువణువూ నినదించే...  అనురాగ సంకేతమా
అణువణువూ నినదించే...  అనురాగ సంకేతమా

కదిలే మేఘమా.. కవితా రాగమా
కాళిదాస కమనీయ.. భావనా
గాంధర్వ రసయోగమా... గాంధర్వ రసయోగమా

http://www.kuteeram.com/telugu_songs/play-Telugu-Songs-iphone.php?plist=12425

మంచోడు దొరికాడు

చిత్రం : కాలాంతకులు (1978)
సంగీతం : కె.వి. మహదేవన్
గీతరచయిత : సినారె
నేపధ్య గానం : సుశీల 

పల్లవి : 

మంచోడు దొరికాడు మంగళవారం... మారుతుంది జాతకం బుధవారం
మంచోడు దొరికాడు మంగళవారం... మారుతుంది జాతకం బుధవారం

నీలిమబ్బు నిజమంది... అహ... పాలపిట్ట ఋజువుంది
నీలిమబ్బు నిజమంది... పాలపిట్ట ఋజువుంది
ఏటి గాలి వాటేసి ఒట్టేసి ఔనంది..ఈ..ఈ..

మంచోడు దొరికాడు మంగళవారం... మారుతుంది జాతకం బుధవారం
మంచోడు దొరికాడు మంగళవారం... మారుతుంది జాతకం బుధవారం

చరణం 1 :

మీసకట్టు బుస చూసి మోసగాడనుకున్నా
కత్తెరంటి కళ్ళు చూసి జిత్తులోడనుకున్నా
అహా.. మీసకట్టు బుస చూసి మోసగాడనుకున్నా
కత్తెరంటి కళ్ళు చూసి జిత్తులోడనుకున్నా

తీరా చూస్తే...  దగ్గరకొస్తే
తీరా చూస్తే...  దగ్గరకొస్తే
కొత్తపల్లికొబ్బరమ్మా... కొంటవీటి బెబ్బులమ్మా

అహా.. మంచోడు దొరికాడు మంగళవారం... మారుతుంది జాతకం బుధవారం

చరణం 2 :

ఉడుకుమోతు వయసుకింత దురుసెందుకో  మరి...
వేసిన ముడి  తీసేసి చేసింది అల్లరి
ఉడుకుమోతు వయసుకింత దురుసెందుకో  మరి...
వేసిన ముడి  తీసేసి చేసింది అల్లరి

ఇంకొకడైతే ఏం మునిగేదో...
ఇంకొకడైతే ఏం మునిగేదో...
ఎత్తుకుపోయేవాడో.... హత్తుకుపోయేవాడో

అహా.. మంచోడు దొరికాడు మంగళవారం... లలలల
మారుతుంది జాతకం బుధవారం...లలలల..

నీలిమబ్బు నిజమంది... అహ... పాలపిట్ట ఋజువుంది
ఏటి గాలి వాటేసి ఒట్టేసి ఔనంది..ఈ..ఈ..
మంచోడు దొరికాడు మంగళవారం... మారుతుంది జాతకం బుధవారం

http://www.kuteeram.com/telugu_songs/play-Telugu-Songs-iphone.php?plist=2223

ఆడవే రాజహంస

చిత్రం :  వయ్యారి భామలు - వగలమారి భర్తలు (1982)
సంగీతం : రాజన్-నాగేంద్ర
గీతరచయిత :  వేటూరి
నేపధ్య గానం :  బాలు, సుశీల

పల్లవి :

ఆడవే రాజహంస... నడయాడవే రాజహంస
లయలే నీవై.. హొయలిక నీదై..
రాగ...  భావ...  రాసలీల తేలగా 

ఆడవే రాజహంస... నడయాడవే రాజహంస
లయలే నీవై.. హొయలిక నీదై..
రాగ...  భావ...  రాసలీల తేలగా 

ఆడవే రాజహంస... నడయాడవే రాజహంస

చరణం 1 :

తొలకరి అందాల పులకరమే నీవు... నవ్వితేనే వసంతం
తొలకరి అందాల పులకరమే నీవు... నవ్వితేనే వసంతం
అరుణిమ చరణాల విరిసిన ఉదయాల... కళలే నాలోన కురిసే మకరందం

నీరాక వలపు తొలి ఏరువాక.. నీ అందమంత నాదే...
నీ నవ్వులందు సిరిమువ్వ చిందు.. ఆనందమంత నాదే
నీరాక వలపు తొలి ఏరువాక.. నీ అందమంత నాదే...
నీ నవ్వులందు సిరిమువ్వ చిందు.. ఆనందమంత నాదే

రావే.. మనుగడవు కావే... మధువనివి నీవే
నీవే నేనైపోవే...

పాడనా హంసగీతం... మురిపాల నా నాట్యవేదం
ప్రియలయలన్నీ... అభినయమైన...
రాగ.. భావ.. రాసలీల తేలగా
పాడనా హంసగీతం... మురిపాల నా నాట్యవేదం

చరణం 2 :

లలలలా... లలలల... ఆ.. ఆ.. హ..
ఆ.. హా.. ఆ... ఆ.. ఆ.. ఆ.. ఆ.. ఆ.. ఆ.. 

కనులకు నిదురేది కౌగిలి నీవై... కళలకు  గిలిగింత పెడితే
కనులకు నిదురేది కౌగిలి నీవై... కళలకు  గిలిగింత పెడితే

కలలకు సెలవేది కమ్మని కలతై... వయసుకు పులకింత నీవైతే

కూసంతా వెన్నెల్లలో... వయసంతా వయ్యారమై...
పూసింది పున్నాగలా... మెరిసేటి మిన్నాగులా
ఎదయ విరుల పొదల నీడలా... ఆ... ఆ.. ఆ

ఆడవే రాజహంస... నడయాడవే రాజహంస

ప్రియలయలన్నీ... అభినయమైన...
రాగ.. భావ.. రాసలీల తేలగా
పాడనా హంసగీతం... మురిపాల నా నాట్యవేదం   

చరణం 3 :

సరిసరి నటనాల సరిగమలో తేలి... ఆడితేనే విలాసం
సరిసరి నటనాల సరిగమలో తేలి... ఆడితేనే విలాసం

కడలిని పొంగించి... సుధలను చిందించు జతులే నీ నోట పలికే నవలాస్యం

కాలాలు కరిగి గతమవ్వు దాక నీ కౌగిలింత నాదే...
లోకాలు సురిగి కథలవ్వు దాక నా జలదరింత నీదే

నాలో రసధునివి నీవే... ఉదయినివి కావే
నాలో వెలుగై పోవే....

పాడనా హంసగీతం... మురిపాల నా నాట్యవేదం 

లయలే నీవై.. హొయలిక నీదై..
రాగ...  భావ...  రాసలీల తేలగా
ఆడవే రాజహంస... నడయాడవే రాజహంస

http://www.kuteeram.com/telugu_songs/play-Telugu-Songs-iphone.php?plist=886

మేఘాల పందిరిలోనా

చిత్రం :  వయ్యారి భామలు - వగలమారి భర్తలు (1982)
సంగీతం : రాజన్-నాగేంద్ర
గీతరచయిత :  వేటూరి
నేపధ్య గానం :  బాలు, సుశీల

పల్లవి :

మేఘాల పందిరిలోనా... మెరిసింది మెరుపే ఔనా
మేఘాల పందిరిలోనా... మెరిసింది మెరుపే ఔనా
అది చూపై.. విరి తూపై... కురిసింది పూలవానా
ఓ... కురిసింది పూలవానా

రాగాలపల్లకిలోనా...  పిలిచింది వలపే ఔనా 
అది పాటై... విరిబాటై... వెలసింది జీవితానా
ఓ... వెలసింది జీవితానా

మేఘాల పందిరిలోనా... మెరిసింది మెరుపే ఔనా  

చరణం 1 :

గగనాల తార భువనాల జారి.. నన్ను చేరు వేళలో
నీవే ఆ తారై మదిని వెలిగినావులే...

ఇల వంక జారు.. నెలవంక తీరు... గోట మీటు వేళలో
నీవే నా నీడై... మనసు తెలిపినావులే... మరులుగొలిపినావులే

అననీ విననీ ఏ రాగం... మనలో పలికే సరాగం..

మేఘాల పందిరిలోనా... మెరిసింది మెరుపే ఔనా
అది చూపై.. విరి తూపై... కురిసింది పూలవానా
ఓ... కురిసింది పూలవానా

రాగాలపల్లకిలోనా...  పిలిచింది వలపే ఔనా

చరణం 2 :

నీ తీపి ఉసురు... నా వైపు విసిరి... వెల్లువైన వేళలో
నాలో అల నీవై... కలలు రేపినావులే

నీ నీలికనుల లేలేత కలలు వెల్లడైన  వేళలో...

నాలో ఎద నీవై... నిదుర లేచినావులే
కదలి పాడినావులే

మనసే కలిసే వేతీరం... విరిసే మమతా కుటీరం 

రాగాలపల్లకిలోనా.. పిలిచింది వలపే ఔనా 
అది పాటై... విరిబాటై... వెలసింది జీవితానా
ఓ... వెలసింది జీవితానా

మేఘాల పందిరిలోనా... మెరిసింది మెరుపే ఔనా

http://www.kuteeram.com/telugu_songs/play-Telugu-Songs-iphone.php?plist=887

ఇదేనా మన సంప్రదాయమిదేనా

చిత్రం : వరకట్నం (1969)
సంగీతం : టి.వి. రాజు
గీతరచయిత : సి.నా.రె
నేపధ్య గానం : ఘంటసాల

పల్లవి :

ఇదేనా... సంప్రదాయమిదేనా
తరతరాలుగా సంఘంలోన... కరడుగట్టిన దురాచారం... ఇదేనా...

ఇదేనా మన సంప్రదాయమిదేనా
ఇదేనా మన సంప్రదాయమిదేనా
వరకట్నపు పిశాచాల దురంతాల కోరలలో...
వరకట్నపు పిశాచాల దురంతాల కోరలలో...
అణ్యంపుణ్యం ఎరుగని ఆడబ్రతుకు బలియేనా
ఆడబ్రతుకు బలియేనా ....

ఇదేనా మన సంప్రదాయమిదేనా 

చరణం 1:

చట్టాలను చేసి లాభమేమి...
దినదినం శాసనాలు వేసి లాభమేమి
చట్టాలను చేసి లాభమేమి...
దినదినం శాసనాలు వేసి లాభమేమి 

బుసగొట్టే స్వార్ధమ్మున్ను  విసిరిగొట్టలేనిది
బుసగొట్టే స్వార్ధమ్మున్ను  విసిరిగొట్టలేనిది

సహనమూర్తి ఐన స్త్రీని గౌరవించలేనిది... గౌరవించలేనిది

ఇదేనా మన సంప్రదాయమిదేనా 

చరణం 2 :

పురాణాలు తిరగేసిన చాలదు...హోయ్
ధర్మపన్నాలు వల్లించిన తీరదు
ఓ..ఓ..ఓ..ఓ...
పురాణాలు తిరగేసిన చాలదు...హోయ్
ధర్మపన్నాలు వల్లించిన తీరదు

చెప్పే నీతులన్నీ చేతలలో చూపాలి...
చెప్పే నీతులన్నీ చేతలలో చూపాలి...

అబలల కన్నీటి మంటలార్పి వేయగలగాలి
అబలల కన్నీటి మంటలార్పి వేయగలగాలి

ఇదేనా మన సంప్రదాయమిదేనా
వరకట్నపు పిశాచాల దురంతాల కోరలలో...
వరకట్నపు పిశాచాల దురంతాల కోరలలో...
అణ్యంపుణ్యం ఎరుగని ఆడబ్రతుకు బలియేనా
ఆడబ్రతుకు బలియేనా ....

ఇదేనా మన సంప్రదాయమిదేనా 
ఇదేనా మన సంప్రదాయమిదేనా 

http://www.kuteeram.com/telugu_songs/play-Telugu-Songs-iphone.php?plist=165

బ్రహ్మం తాత చెప్పింది

చిత్రం : తల్లా? పెళ్ళామా? (1970)
సంగీతం : టి.వి. రాజు
గీతరచయిత : కొసరాజు
నేపధ్య గానం : సుశీల

పల్లవి :

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది
బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది
 

చరణం 1 :

నీవాణ్ణే నువ్వు మెచ్చుకోవడం
తెలుగుదనమేమి కాదు నీ తెలివి బైట పడబోదూ
నీవాణ్ణే నువ్వు మెచ్చుకోవడం
తెలుగుదనమేమి కాదు నీ తెలివి బైట పడబోదూ
నీవాణ్ణే నువ్వు తిట్టకపోతే తెలుగువాడివే కాదు..

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది 

ఓట్ల కోసమై ఊళ్ళు తిరగడం
దేశం కోసం కాదు అది ప్రజాసేవకై కాదు
ఓట్ల కోసమై ఊళ్ళు తిరగడం
దేశం కోసం కాదు అది ప్రజాసేవకై కాదు
హాయ్...  ఛాన్స్ తగిలితే మంత్రినవుదునని ప్లాను లేకపోలేదు

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

చరణం 2 :

పదవులకోసం ప్రాకులాడడం ప్రెస్టేజీకి కాదు
మన ప్రజలబాగుకు కాదు
పదవులకోసం ప్రాకులాడడం ప్రెస్టేజీకి కాదు
మన ప్రజలబాగుకు కాదు
పూలదండలిక పడబోవేమోనని చింతలేకపోలేదు

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

పంచాయతి ప్రసిడెంటు కావడం
గ్రామం బాగుకు కాదు ఆ ప్రక్కకు బుద్దే పోదూ
పంచాయతి ప్రసిడెంటు కావడం
గ్రామం బాగుకు కాదు ఆ ప్రక్కకు బుద్దే పోదూ
ఆ.. హా..  ఉమ్మడి సొమ్ము భోంచేద్దామని ఊహ లేకపోలేదు

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

చరణం 3 :

బ్రతికున్నప్పుడు నెత్తిననిప్పులు
చల్లడమంటే మోజూ అది సహజంరా ఈ రోజు
బ్రతికున్నప్పుడు నెత్తిననిప్పులు
చల్లడమంటే మోజూ అది సహజంరా ఈ రోజు
చచ్చిన పిమ్మట శిలావిగ్రహం స్థాపించడమే రివాజు

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

పేకముక్కలు చేతపట్టితే
చీదరించుకొనిరానాడు...  ఛీఛీ..  అన్నారానాడూ
పేకముక్కలు చేతపట్టితే
చీదరించుకొనిరానాడు..  ఛీఛీ...  అన్నారానాడూ
క్లబ్బుల్లో పేకాటగాళ్ళకే గౌరవమున్నది ఈనాడూ

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

చరణం 4 :

బిడ్డలు ఎక్కువ కన్నతల్లినే
భాగ్యవతన్నారానాడూ సౌభాగ్యవతన్నారానాడూ
బిడ్డలు ఎక్కువ కన్నతల్లినే
భాగ్యవతన్నారానాడూ సౌభాగ్యవతన్నారానాడూ
బిడ్డలు లేని గొడ్రాలికే గౌరవమన్నారీనాడు

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

ప్రజాక్షేమమే పరమార్ధమ్మని
ప్రభువులు పలికారానాడూ...  పరిపాలించారానాడూ
ప్రజాక్షేమమే పరమార్ధమ్మని
ప్రభువులు పలికారానాడూ...  పరిపాలించారానాడూ
రకరకాల పన్నులను తగిలించి నీతిని చంపారీనాడూ

బ్రహ్మం తాత చెప్పింది నిత్యం జరిగే సత్యమిది
తుచ తప్పక ఇప్పుడు జరిగే నవీన కాలజ్ఞానమిది

http://www.kuteeram.com/telugu_songs/play-Telugu-Songs-iphone.php?plist=6541