చీకటిపడితే నాకెంతో భయం

చిత్రం : దేవుడున్నాడు జాగ్రత్త (1978)
సంగీతం :  రమేశ్ నాయుడు
గీతరచయిత :
నేపథ్య గానం :  జానకి 

పల్లవి : 

చీకటిపడితే నాకెంతో భయం భయం
చెట్టాపట్టా లేస్కుంటే నయం నయం
చీకటిపడితే నాకెంతో భయం భయం

ఓ.. ఓ.. ఓ...
నీకోసం వచ్చాను... నిన్ను నమ్ముకొన్నాను
ఈ రాతిరి చేయకురా...  చేయకురా అన్యాయం

చీకటిపడితే నాకెంతో భయం భయం

చరణం 1 :

మిన్నులో ఒక చుక్క... గిన్నెలో ఒకచుక్క
అన్నింటిని మించినది పక్కన చుక్క

పక్కన నేనుంటే దిక్కులు చూస్తావా
పక్కన నేనుంటే దిక్కులు చూస్తావా
నీ టెక్కంత నాముందే వెలిగిస్తావా

చీకటిపడితే నాకెంతో భయం భయం

చరణం 2 :

ఏమితెలియని నాలో ఏదో గుబులవుతుంది
ఎన్నోఎన్నో తెలిసినోడా ఎందుకు బెట్టు

ముద్దొచ్చే నిన్ను చూసి నిద్దర రానంది
ముద్దొచ్చే నిన్ను చూసి నిద్దర రానంది
నువ్వు అలా ఇలా కులికితే అల్లరిపాలావుతా... అమ్మో...

చీకటిపడితే నాకెంతో భయం భయం

మేనుమేను తాకగానే

చిత్రం : దేవుడున్నాడు జాగ్రత్త (1978)
సంగీతం :  రమేశ్ నాయుడు
గీతరచయిత :
నేపథ్య గానం :  బాలు, సుశీల 

పల్లవి : 

మేనుమేను తాకగానే ఏదో పులకింత                 
నేను నీవు లీనమైతే ఏదో చిగురింత

మేనుమేను తాకగానే ఏదో పులకింత
నేను నీవు లీనమైతే ఏదో చిగురింత

చరణం 1 :

యుగయుగాల అనుబంధం ఒక్కసారి మెరిసింది
పొగమంచు మేఘాల... పూలవాన  కురిసింది

యుగయుగాల అనుబంధం ఒక్కసారి మెరిసింది

పొగమంచు మేఘాల పూలవాన  కురిసింది 

         
హృదయంలో సాగింది ఊహల ఊరేగింపు
హృదయంలో సాగింది ఊహల ఊరేగింపు
పన్నీటి వాగులలో ఈదెను తొలివలపు               
ఈదెను తొలివలపు

మేనుమేను తాకగానే ఏదో పులకింత                 
నేను నీవు లీనమైతే ఏదో చిగురింత

చరణం 2 :

గుండెలలో అనురాగపు కోవెలనే మలచాను
నిండుమనసుతో నిన్నేఅందులోనే నిలిపాను

కోటి  కోటి దేవతలే కోరి ఇచ్చే దీవెనలు
ఎడబాటులేని ప్రేమలో ఎన్ని మధురభావనలు... ఎన్ని మధురభావనలు

మేనుమేను...  తాకగానే... ఏదో పులకింత             
నేను నీవు... లీనమైతే
ఏదో... ఏదో చిగురింత

అందం చూడాలి

చిత్రం : దేవుడున్నాడు జాగ్రత్త (1978)
సంగీతం :  రమేశ్ నాయుడు
గీతరచయిత :
నేపథ్య గానం :  సుశీల 

పల్లవి : 

అందం చూడాలి... ఆనందం పొందాలి
అందం చూడాలి...
ఆడే పాడే వయసులోనే అనుభవించాలి... అనుభవించాలి
అందం చూడాలి...

అందం చూడాలి... ఆనందం పొందాలి
అందం చూడాలి... 

చరణం 1 :

ఉరకల పరుగుల దూకే వయసు...ఎవరు ఆపిన ఆగదు
ఎవరు ఆపిన ఆగదు
పడుచుదనానికి పగ్గం వేయకు... నీలో ఆశలు దాచకు
నీలో ఆశలు దాచకు
నీవు కోరేది నేడు తీరాలి... కోరేది తీరాలి తీరాలి కోరేది

అందం చూడాలి... ఆనందం పొందాలి
అందం చూడాలి... 

చరణం 2 :

యవ్వనమన్నది ఎంతో మైకం
యవ్వనమన్నది ఎంతో మైకం...
పోతే తిరిగిరాదురా... పోతే తిరిగిరాదురా
నీకై వచ్చినదెవరో చూడు ఆలసించక లేవరా
ఆలసించక లేవరా
మధువు తాగాలి కథలు మారాలి
తాగాలి మారాలి మారాలి తాగాలి

అందం చూడాలి... ఆనందం పొందాలి
అందం చూడాలి... 

ఎగిరెగిరి పడుతోంది

చిత్రం : దేవుడున్నాడు జాగ్రత్త (1978)
సంగీతం :  రమేశ్ నాయుడు
గీతరచయిత :
నేపథ్య గానం :  సుశీల 

పల్లవి : 

ఎగిరెగిరి పడుతోంది నా సొగసు
ఎప్పుడెప్పుడంటోంది నా మనసు

జంట కుదిరాక పంట పండాలి
జంటకుదిరాక పంట పండాలి
ఒంటరిగా ఉండలేదు నావయసు
ఒంటరిగా ఉండలేదు నా వయసు

ఎగిరెగిరి పడుతోంది నా సొగసు
ఎప్పుడెప్పుడంటోంది నా మనసు

చరణం 1 :

పెళ్లిమాట నాపెదవి దాటింది
చల్లగాలి అడివంతా చాటింది
కోయిలమ్మ... సన్నాయి
కోయిలమ్మ సన్నాయి మొదలెట్టేను
కోతి బావ తైతక్కాలాడేను
నా కోతి బావ తైతక్కాలాడేను

ఎగిరెగిరి పడుతోంది నా సొగసు
ఎప్పుడెప్పుడంటోంది నా మనసు

చరణం 2 :

నన్ను చూసి నా బావ పొంగుతాడు
నా చేతుల్లో తరవాత లొంగుతాడు

ఆగలేక... ఒడిలోనే
ఆగలేక ఒడిలోనే వాలుతాను
మబ్బంచు హాయిలోనే తేలుతాను
నే మబ్బంచు హాయిలోనే తేలుతాను 

ఎగిరెగిరి పడుతోంది నా సొగసు
ఎప్పుడెప్పుడంటోంది నా మనసు

ఎవరికి తెలియదులే

చిత్రం : దొరికితే దొంగలు (1965)
సంగీతం : ఎస్. రాజేశ్వరరావు
గీతరచయిత : సినారె
నేపథ్య గానం : ఘంటసాల

పల్లవి : 

ఎవరికి తెలియదులే ఇంతుల సంగతి
ఎవరికి తెలియదులే ఇంతుల సంగతి
ఇంతుల సంగతి పూబంతుల సంగతి

ఎవరికి తెలియదులే ఇంతుల సంగతి

చరణం 1 : 

జడలో మల్లె పూల జాతర చేస్తుంటారు
జడలో మల్లె పూల జాతర చేస్తుంటారు
బంగారు పెదవులపై రంగులు పూస్తుంటారు
బంగారు పెదవులపై రంగులు పూస్తుంటారు

ఈ సోకులన్నీ ఇంకెవరి కోసమంటారు
ఈ సోకులన్నీ ఇంకెవరి కోసమంటారు
ఈ సోకులన్నీ ఇంకెవరి కోసమంటారు... హా

ఎవరికి తెలియదులే ఇంతుల సంగతి
ఎవరికి తెలియదులే ఇంతుల సంగతి

చరణం 2 : 

ముసిముసి నగవులతో... మిసమిస చూపులతో
ముసిముసి నగవులతో... మిసమిస చూపులతో
దాచుకున్న తలపులతో... దోచుకున్న వలపులతో
దాచుకున్న తలపులతో... దోచుకున్న వలపులతో

మొదట కసరి కొడతారు పిదప చల్లబడతారు
మొదట కసరి కొడతారు పిదప చల్లబడతారు
మొదట కసరి కొడతారు పిదప చల్లబడతారు

ఎవరికి తెలియదులే ఇంతుల సంగతి
ఎవరికి తెలియదులే ఇంతుల సంగతి

చరణం 3 :

పందిరి లేకుంటే... తీగ పైకి పోతుందా
పందిరి లేకుంటే... తీగ పైకి పోతుందా
గోడలు లేకుంటే గోపురమే ఉంటుందా
గోడలు లేకుంటే గోపురమే ఉంటుందా

పురుషులు లేకుంటే... తరుణుల పని గోవిందా
పురుషులు లేకుంటే... తరుణుల పని గోవిందా
పురుషులు లేకుంటే... తరుణుల పని గోవిందా... గోవిందా... హా..

ఎవరికి తెలియదులే ఇంతుల సంగతి
ఇంతుల సంగతి పూబంతుల సంగతి

ఎవరికి తెలియదులే ఇంతుల సంగతి

ఎవరన్నారివి కన్నులని

చిత్రం : దొరికితే దొంగలు (1965)
సంగీతం : ఎస్. రాజేశ్వరరావు
గీతరచయిత : సినారె
నేపథ్య గానం : ఘంటసాల, సుశీల 

పల్లవి : 

ఎవరన్నారివి కన్నులని
ఎవరన్నారివి కన్నులని
అరెరె మధువొలికే గిన్నెలవి
ఎవరన్నారివి బుగ్గలని
ఎవరన్నారివి బుగ్గలని
హోయ్ ఎర్రని రోజా మొగ్గలవి
ఎవరన్నారివి కన్నులని  

చరణం 1 : 

నడుమిది ఏమంటున్నది?
ఈ నడుమిది ఏమంటున్నది?
నా పిడికిట ఇమడెదనన్నది
నల్లని జడ ఏమన్నది?
నా నల్లని జడ ఏమన్నది?
అది నను బంధించెద నన్నది
నను బంధించెదనన్నది

ఎవరన్నారివి కన్నులని
అరెరె మధువొలికే గిన్నెలవి
ఎవరన్నారివి బుగ్గలని
హోయ్ ఎర్రని రోజా మొగ్గలవి 

చరణం 2 : 

సిగ్గులు దోసిట దూయకు
నా సిగ్గులు దోసిటదూయకు
నీ చేతుల బందీ చేయకు
నీ చేతుల బందీ చేయకు
మెల్లగ లోలో నవ్వకు
మెలమెల్లగ లోలో నవ్వకు
చలచల్లగ పిడుగులు రువ్వకు
చల్లగ పిడుగులు రువ్వకు

ఎవరన్నారివి కన్నులని
అరెరె మధువొలికే గిన్నెలవి
ఎవరన్నారివి బుగ్గలని
హోయ్ ఎర్రని రోజా మొగ్గలవి

చరణం 3 :

అడుగున అడుగిడుటెందుకు?
నా అడుగున అడుగిడుటెందుకు?
నువు తడబడి పోతున్నందుకు
మరి మరి చూచెదవెందుకు?
నను మరి మరి చూచెదవెందుకు?
నువు మైకం లో ఉన్నందుకు
మైకంలో ఉన్నందుకు

ఎవరన్నారివి కన్నులని
అరెరె మధువొలికే గిన్నెలవి
ఎవరన్నారివి బుగ్గలని
హోయ్ ఎర్రని రోజా మొగ్గలవి

దేవుడనేవాడున్నాడా

చిత్రం : దాగుడుమూతలు (1964)
సంగీతం : కె.వి. మహదేవన్
గీతరచయిత : ఆచార్య ఆత్రేయ
నేపథ్య గానం :  ఘంటసాల, సుశీల  

పల్లవి :

దేవుడనేవాడున్నాడా అని మనిషికి.. కలిగెను సందేహం
దేవుడనేవాడున్నాడా అని మనిషికి.. కలిగెను సందేహం 

మనుషులనే వారున్నారా అని దేవునికొచ్చెను అనుమానం
మనుషులనే వారున్నారా అని దేవునికొచ్చెను అనుమానం 

దేవుడనేవాడున్నాడా అని మనిషికి.. కలిగెను సందేహం 

చరణం 1 :

మనసులేని ఈ మనిషిని చూచి దేవుడు రాయైపోయాడు
ఆ... దేవుడు కనపడలేదని మనిషి నాస్తికుడైనాడు 

దేవుడనేవాడున్నాడా అని మనిషికి.. కలిగెను సందేహం 

చరణం 2 : 

పశువులకన్నా పక్షులకన్నా మనిషిని మిన్నగ చేశాడు
బుద్ధిని ఇచ్చి హృదయాన్నిచ్చి భూమే నీదని పంపాడు 

బుద్ధికి హృదయం లేక హృదయానికి బుద్ధేరాక
బుద్ధికి హృదయం లేక హృదయానికి బుద్ధేరాక
నరుడే ఈ నరలోకం నరకం చేశాడు 

దేవుడనేవాడున్నాడా అని మనిషికి.. కలిగెను సందేహం 

చరణం 3 :

తాము నవ్వుతూ నవ్విస్తారు... కొందరు అందరినీ
తాము నవ్వుతూ నవ్విస్తారు... కొందరు అందరినీ
తామేడుస్తూ ఏడ్పించుతారెందరో కొందరినీ
తామేడుస్తూ ఏడ్పించుతారెందరో కొందరినీ 

నేను నవ్వితే ఈ లోకం... చూడలేక ఏడ్చింది
నేనేడిస్తే ఈ లోకం... చూసి చూసి నవ్వింది 

దేవుడనేవాడున్నాడా అని మనిషికి.. కలిగెను సందేహం 

మనుషులనే వారున్నారా అని దేవునికొచ్చెను అనుమానం 

దేవుడనేవాడున్నాడా.... 

డివ్వి డివ్వి డివ్విట్టం

చిత్రం : దాగుడుమూతలు (1964)
సంగీతం : కె.వి. మహదేవన్
గీతరచయిత : ఆరుద్ర
నేపథ్య గానం :  పిఠాపురం, స్వర్ణలత 

పల్లవి :

డివ్వి డివ్వి డివ్విట్టం... నువ్వంటేనే నాకిష్టం
డివ్వి డివ్వి డివ్విట్టం... నువ్వంటేనే నాకిష్టం

డీడిక్కంది అదృష్టం... గట్టెక్కింది మనకష్టం
డీడిక్కంది అదృష్టం... గట్టెక్కింది మనకష్టం

బాజాలతో బాకాలతో...  పందిట్లో ఇద్దరం ఒకటౌదాం
బాజాలతో బాకాలతో...  పందిట్లో ఇద్దరం ఒకటౌదాం... 

డివ్వి డివ్వి డివ్విట్టం... నువ్వంటేనే నాకిష్టం
డీడిక్కంది అదృష్టం... గట్టెక్కింది మనకష్టం

చరణం 1 :

అందరు చుట్టాలు వస్తారు... ఆనందమానందమంటారు
అందరు చుట్టాలు వస్తారు... ఆనందమానందమంటారు

అబ్బాయి తొందర చూస్తారు... తాము అటుతిరిగి పకపకా నవ్వేరు
అబ్బాయి తొందర చూస్తారు... తాము అటుతిరిగి పకపకా నవ్వేరు

ఒహో..డివ్వి డివ్వి డివ్విట్టం... నువ్వంటేనే నాకిష్టం
డీడిక్కంది అదృష్టం... గట్టెక్కింది మనకష్టం

చరణం 2 :

కవ్వించి సిరులన్ని కలిసొచ్చినా... కాబోవు పెళ్ళామే కడు పచ్చన
కొండకు వేశాను ఒక నిచ్చెనా... నీ కొంగు తగిలితే ఒళ్ళు నులివెచ్చనా

డీడిక్కంది అదృష్టం... గట్టెక్కింది మనకష్టం
డివ్వి డివ్వి డివ్విట్టం... నువ్వంటేనే నాకిష్టం

చరణం 3  :

బుక్కావసంతాలు జల్లుకొంటాం... ఎంచక్కా తలంబ్రాలు పోసుకొంటాం
బుక్కావసంతాలు జల్లుకొంటాం... ఎంచక్కా తలంబ్రాలు పోసుకొంటాం

దీవించివేస్తారు అక్షంతలూ... ఇక అవుతాయి సౌఖ్యాల లక్షంతలూ
దీవించివేస్తారు అక్షంతలూ... ఇక అవుతాయి సౌఖ్యాల లక్షంతలూ

డివ్వి డివ్వి డివ్విట్టం... నువ్వంటేనే నాకిష్టం
డీడిక్కంది అదృష్టం... గట్టెక్కింది మనకష్టం
 

ఎంకొచ్చిందోయి మావా

చిత్రం : దాగుడుమూతలు (1964)
సంగీతం : కె.వి. మహదేవన్
గీతరచయిత : ఆరుద్ర
నేపథ్య గానం :  సుశీల 

పల్లవి : 

ఎంకొచ్చిందోయి మావా... ఎదురొచ్చిందోయ్
ఎదురొచ్చి నీకోసం... ఏదో తెచ్చిందోయ్

ఎంకొచ్చిందోయి మావా... ఎదురొచ్చిందోయ్
ఎదురొచ్చి నీకోసం...  ఏదో తెచ్చిందోయ్

చరణం 1 : 

గళ్ళకోక నువ్విస్తే... కట్టుకొన్నదోయ్
నువ్వు కళ్ళతోను కవ్విస్తే... నవ్వుకొన్నదోయ్

నవ్వులన్ని నాగమల్లి పూవులన్నదోయ్
నవ్వులన్ని నాగమల్లి పూవులన్నదోయ్
ఈ నచ్చినోడికే మనసు ఇచ్చుకొన్నదోయ్... మావా

ఎంకొచ్చిందోయి మావా... ఎదురొచ్చిందోయ్
ఎదురొచ్చి నీకోసం... ఏదో తెచ్చిందోయ్

చరణం 2 : 

మావకూతురనుకొంటూ మనసుపడితివోయ్
నువ్వు మనసుపడ్డ ఏకమే తానుకట్టేనోయ్
మావకూతురనుకొంటూ మనసుపడితివోయ్
నువ్వు మనసుపడ్డ  ఏకమే తానుకట్టేనోయ్

దోసిలితో వలపు నువ్వు దోచుకొంటివోయ్
దోసిలితో వలపు నువ్వు దోచుకొంటివోయ్
నీ ఆసికాలు నమ్ముకొని ఆశపడ్డదోయ్... మావోయ్

ఎంకొచ్చిందోయి మావా... ఎదురొచ్చిందోయ్
ఎదురొచ్చి నీకోసం... ఏదో తెచ్చిందోయ్

చరణం 3  :

తగువులాడినా చాలు... తనివితీరునోయ్
నీ వగలమారి మాటలన్నీ... నగలవంటివోయ్
తగువులాడినా చాలు... తనివితీరునోయ్
నీ వగలమారి మాటలన్నీ... నగలవంటివోయ్ 

తాళిబొట్టు మాత్రమే తక్కువన్నదోయ్
తాళిబొట్టు మాత్రమే తక్కువన్నదోయ్
నీ తల్లో నాలుకమల్లే తానుమెలుగునోయ్... మావా

ఎంకొచ్చిందోయి మావా... ఎదురొచ్చిందోయ్
ఎదురొచ్చి నీకోసం... ఏదో తెచ్చిందోయ్... మావోయ్

ఎంకొచ్చిందోయి మావా... ఎదురొచ్చిందోయ్
ఎదురొచ్చి నీకోసం... ఏదో తెచ్చిందోయ్

ఏ తల్లి నిను కన్నదో

చిత్రం : దాన వీర శూర కర్ణ (1977)
సంగీతం : పెండ్యాల
గీతరచయిత : సినారె
నేపథ్య గానం : సుశీల  

పల్లవి : 

ఏ తల్లి నిను కన్నదో... నేను నీ తల్లినైనానురా.. ఆ.. ఆ.. 

నీ తల్లినైనానురా... 

నా వరాల తొలిపంటగా... ఆ.. ఆ.. ఆ..
నా వరాల తొలిపంటగా... నీవు నా ఇంట వెలిశావురా
నా ఇంట వెలిశావురా ... 

ఏ తల్లి నిను కన్నదో... నేను నీ తల్లినైనానురా.. ఆ.. ఆ..
నీ తల్లినైనానురా... 

చరణం 1 : 

లలితలలితజల లహరుల ఊయలలూగినావు... అలనాడే
తరుణతరుణ రవి కిరణ పథంబుల... సాగినావు తొలినాడే

అజస్త్ర సహస్ర నిజ ప్రభలతో అజేయుడవు కావలెరా...
నీ శౌర్యము గని వీర కర్ణుడని...
నీ శౌర్యము గని వీర కర్ణుడని...  నిఖిల జగంబులు వినుతించవలెరా

చరణం 2 :

మచ్చ ఎరుంగని శీల సంపదకు స్వచ్ఛమైన  ప్రతిరూపమై
బలిశిబిదధీచి వదాన్యవరులను తలదన్ను మహాదాతవై...

అడిగినదానికి లేదన్నది ఏనాడు నీ నోట రానిదై...
నీ నామము విని దాన కర్ణుడని...
నీ నామము విని దాన కర్ణుడని... యుగయుగాలు నిను స్మరియించవలెరా

జయీభవ! దిగ్విజయయీభవ

చిత్రం : దాన వీర శూర కర్ణ (1977)
సంగీతం : పెండ్యాల
గీతరచయిత : సినారె
నేపథ్య గానం : బాలు, జి. ఆనంద్, కోరస్

పల్లవి : 

జయీభవ.. విజయీభవ.. 

జయీభవ.. విజయీభవ 

చంద్రవంశ పాదోది చంద్రమా 

కురుకుల సరసీ రాజహంసమా 

జయీభవ.. విజయీభవ.. 

చరణం 1 : 

ధన్య గాంధారి గర్భశుక్తి  ముక్తాఫలా
మాన్య ధృతరాష్ట్ర  తిమిరనయన తేజఃఫలా..ఆ..
ధన్య గాంధారి గర్భశుక్తి  ముక్తాఫలా
మాన్య ధృతరాష్ట్ర  తిమిరనయన తేజఃఫలా.. 

దిగ్గజ కుంభవిదారణచణ శతసోదరగణ పరివేష్టితా
చతుర్దశ భువన చమూ నిర్దళణ చటుల భుజార్గళ శోభితా 

జయీభవ.. విజయీభవ.. 

చరణం 2 : 

కవిగాయక నట వైతాళిక సంస్తూయమాన విభవాభరణా 
నిఖిల రాజన్య మకుటమణి ఘ్రుణీ నీరాజిత మంగళచరణా 
మేరు శిఖరి శిఖరాయమాన గంభీర..ధీరగుణ మానధనా 
క్షీరపయోధి తరంగ విమల విస్ఫార యశోధన సుయోధనా  

జగనొబ్బ గండ జయహో.. గండరగండ జయహో.. 
అహిరాజకేతనా జయహో.. ఆశ్రిత పోషణ జయహో.. 
జయహో.. జయహో.. జయహో..

చెరసాల పాలైనావా

చిత్రం : దొంగరాముడు (1955)
సంగీతం : పెండ్యాల
గీతరచయిత : సముద్రాల (సీనియర్)
నేపథ్య గానం : ఘంటసాల 

పల్లవి : 

చెరసాల పాలైనావా...
చెరసాల పాలైనావా
ఓ సంబరాల రాంబాబూ... చెరసాల పాలైనావా

చరణం 1 :

అనుకున్నది నీవొకటి... అయినది మరి వేరొకటి
అనుకున్నది నీవొకటి... అయినది మరి వేరొకటి
ముందు చూపు లేదాయె... మాయని అపవాదాయె

చెరసాల పాలైనావా... 

చరణం 2 :

పరువే తన పెన్నిధిగా బ్రతికే నీ సోదరిని
పరువే తన పెన్నిధిగా బ్రతికే నీ సోదరిని

పూలమ్మిన చోటనే కట్టెలమ్మగా జేసి
పూలమ్మిన చోటనే కట్టెలమ్మగా జేసి
నిలువ నీడ పోద్రోసి నడివీధుల పాల్చేసి

చెరసాల పాలైనావా... ఓ సంబరాల రాంబాబూ...
చెరసాల పాలైనావా... 

చరణం 3 :

నిన్ను గని... మెచ్చుకొని నీకే మనసిచ్చుకొని
నిన్ను గని... మెచ్చుకొని నీకే మనసిచ్చుకొని
ఎన్నెన్నో కలలుగనే...
ఎన్నెన్నో కలలుగనే....
చిన్నదాని జీవితము చీకటిగా జేసి

చెరసాల పాలైనావా... ఓ సంబరాల రాంబాబూ
చెరసాల పాలైనావా... 

చరణం 4 :

ఫలి యిమ్మని ఆశించిన ఫక్కుమనే నొక పలువ
పైసలాశ జూపించి ఓర జూచునొక ఉలువ
పని చూపి పరువు మాపి... పైటలాగు నొక చెలటి
అండలేని ఆడదాని కాదరణే కరువా... ఆదరణే కరువా

అందచందాల సొగసరి వాడు

చిత్రం : దొంగరాముడు (1955)
సంగీతం : పెండ్యాల
గీతరచయిత : సముద్రాల (సీనియర్)
నేపథ్య గానం : జిక్కి 

పల్లవి : 

అందచందాల సొగసరి వాడు
అందచందాల సొగసరి వాడు
విందు భోంచేయ వస్తాడు నేడు
చందమామా ఓహో... చందమామా
చందమామా ఓహో... చందమామా
ఓ....  ఓ... ఓ.... 

చరణం 1 :

ఓ...ఓ...ఓ...
చూడ చూడంగ మనసగు వాడు
ఈడు జోడైన వలపులరేడు
ఓ..వాడు నీకన్న సోకైన వాడు

విందు భోంచేయ వస్తాడు నేడు
చందమామా ఓహో... చందమామా
చందమామా ఓహో... చందమామా
ఓ....ఓ....ఓ....

చరణం 2 :

ఓ....ఓ....ఓ....
వాని కన్నుల్లో వెన్నెల జాలు
వాని నవ్వుల్లో ముత్యాలు రాలు
ఓ..వాడు నీకన్న చల్లని వాడు

విందు భోంచేయ వస్తాడు నేడు
చందమామా ఓహో... చందమామా
చందమామా ఓహో... చందమామా
ఓ....ఓ....ఓ....

చరణం 3 :

ఓ....ఓ....ఓ....
మేటి పోటిల్లో గడుసరి వాడు
మాటపాటించు మగసిరి వాడు
ఓ..వాడు నీకన్న సిరిగలవాడు

విందు భోంచేయ వస్తాడు నేడు
చందమామా ఓహో... చందమామా
చందమామా ఓహో... చందమామా

అందచందాల...
అందచందాల సొగసరి వాడు
అందచందాల సొగసరి వాడు
విందు భోంచేయ వస్తాడు నేడు
చందమామా ఓహో... చందమామా
చందమామా ఓహో... చందమామా

ఎవరికి తెలియదులే

చిత్రం : దొరికితే దొంగలు (1965)
సంగీతం : ఎస్. రాజేశ్వరరావు
గీతరచయిత : దాశరథి
నేపథ్య గానం : సుశీల 

పల్లవి : 

అహహా.. ఓహోహో.. అహహహా.. ఓ..ఓ..ఓ..
ఆ.. ఆ.. ఆ.. ఆ.. ఆ..

ఎవరికి తెలియదులే... యువకుల సంగతి

ఎవరికి తెలియదులే... యువకుల సంగతి
యువకుల సంగతి... మీ తలబిరుసుల సంగతి

ఎవరికి తెలియదులే... యువకుల సంగతి

చరణం 1 :

ఆడపిల్ల కనబడితే ఏడిపించబోతారు
ఆడపిల్ల కనబడితే ఏడిపించబోతారు
ఏడిపించి మేను మరచి ఎగిరి నవ్వుకుంటరు
నవ్వి నవ్వి చివరకు నవ్వులపాలౌతారు

ఎవరికి తెలియదులే... యువకుల సంగతి
ఎవరికి తెలియదులే... యువకుల సంగతి

చరణం 2 :

లేనిపోని డాబులతో.. లెక్కలేని కోతలతో...
లేనిపోని డాబులతో.. లెక్కలేని కోతలతో...
గడుసుగడుసు మాటలతో.. మిడిసిపాటు చేతలతో...

కాలరెత్తి తిరుగుతారు... కాళ్ళబేరమాడతారు

హ...ఎవరికి తెలియదులే... యువకుల సంగతి
ఎవరికి తెలియదులే... యువకుల సంగతి

చరణం 3 :

ముందు తీగలేకుంటే... పందిరితో పని ఉందా?
ముందు తీగలేకుంటే... పందిరితో పని ఉందా?
పునాదులే లేకుంటే... భువిని గోడ ఉంటుందా?
ఆ.. పునాదులే లేకుంటే... భువిని గోడ ఉంటుందా?

తరుణులసలు లేకుంటే... పురుషుల పని గోవిందా...
తరుణులసలు లేకుంటే... పురుషుల పని గోవిందా...
గోవిందా... గోవిందా... హహ

ఎవరికి తెలియదులే... యువకుల సంగతి
యువకుల సంగతి... మీ తలబిరుసుల సంగతి
ఎవరికి తెలియదులే... యువకుల సంగతి

జగమే మారినది

చిత్రం : దేశద్రోహులు (1964)
సంగీతం : ఎస్. రాజేశ్వరరావు
గీతరచయిత : ఆరుద్ర
నేపథ్య గానం : ఘంటసాల, సుశీల 

పల్లవి : 

ఆ...ఆ...ఆ... ఆ...ఆ...ఆ...
జగమే మారినది మధురముగా ఈ వేళ
జగమే మారినది మధురముగా ఈ వేళ
కలలూ కోరికలూ తీరినవి మనసారా
జగమే మారినది మధురముగా ఈ వేళ 

చరణం 1 : 

మనసాడెనే మయూరమై పావురములు పాడే
ఎల పావురములు పాడే
మనసాడెనే మయూరమై పావురములు పాడే
ఎల పావురములు పాడే
ఇదె చేరెను గోరువంక రామచిలుక చెంత
అవి అందాల జంట
ఇదె చేరెను గోరువంక రామచిలుక చెంత
అవి అందాల జంట 

నెనరూ కూరిమి ఈనాడే పండెను
నెనరూ కూరిమి ఈనాడే పండెను
జీవితమంతా చిత్రమైన పులకింతా 

జగమే మారినది మధురముగా ఈ వేళ
కలలూ కోరికలూ తీరినవి మనసారా
జగమే మారినది మధురముగా ఈ వేళ 

చరణం 2 : 

విరజాజులా సువాసన స్వాగతములు పలుక
సుస్వాగతములు పలుక
తిరిగాడును తేనెటీగ తీయ్యదనము కోరి
అనురాగాలా తేలి 

ఎదలో ఇంతటి సంతోషమెందుకో
ఎదలో ఇంతటి సంతోషమెందుకో
ఎవ్వరికోసమో ఎందుకింత పరవశమో 

జగమే మారినది మధురముగా ఈ వేళ
కలలూ కోరికలూ తీరినవి మనసారా
జగమే మారినది మధురముగా ఈ వేళ

దేహమేరా దేవాలయం

చిత్రం : దేవాలయం (1985)
సంగీతం : చక్రవర్తి
గీతరచయిత :
నేపథ్య గానం : బాలు 

పల్లవి :

దేహో దేవాలయో ప్రోక్తో
జీవో దేవస్సనాతనః

దేహమేరా దేవాలయం
దేహమేరా దేవాలయం
జీవుడే సనాతన దైవం

నేనే బ్రహ్మ...  నేనే విష్ణువు
నేనే బ్రహ్మ...  నేనే విష్ణువు
నేనే శివుడై నిలబడితే....
ఏ అర్హత నాకుండాలీ?
ఏ అధికారం కావాలీ?

అహం బ్రహ్మస్మి...  అహం బ్రహ్మస్మి
దేహమేరా...  దేవాలయం 

చరణం 1 : 

ఆత్మాత్వం గిరిజా మతిః
పరిజనాః ప్రాణః శరీరం గృహం

అనలేదా అది శంకరుడు...
అంతకు మించిన వారా మీరు?

ఆడంబరమూ బాహ్యవేశము
అర్బాటలే మీ మతమా
అస్థికులంటే మీరేనా
అస్థికలంటే శరీరమా

శిలా గోపురం ఆలయమా
శఠగోపురమే అర్చనమా

దేహమేరా దేవాలయం
జీవుడే సనాతన దైవం 

చరణం 2 : 

అద్వేష్టా సర్వ భూతానాం
మైత్రః కరుణ యేవచ
నిర్మమో నిరహంకారః
నమ దుఃఖ సుఖ క్షమీ

సంతుష్ట స్సతతం యెగీ
యదాత్మా దృఢ నిశ్చయః

మై అర్పిత మనో బుద్దిర్యోహో
మద్బక్త స్సమే ప్రియః
మద్బక్త స్సమే ప్రియః
మద్బక్త స్సమే ప్రియః

కుడికన్ను కొట్టగానే

చిత్రం :  దేవత (1982)
సంగీతం :  చక్రవర్తి
గీతరచయిత :  వేటూరి
నేపథ్య గానం :  బాలు, సుశీల

పల్లవి :

కుడికన్ను కొట్టగానే కుర్రాణ్ణి... ఎడం కన్ను కొట్టగానే ఎర్రోణ్ణి
కుడికన్ను కొట్టగానే కుర్రాణ్ణి... ఎడం కన్ను కొట్టగానే ఎర్రోణ్ణి
ఆ రెండు కళ్ళు కొట్టరాదా... నన్ను రెచ్చగొట్టి చూడరాదా
వంకాయ్.. హోయ్.. హోయ్ 

కుడికన్ను కొట్టగానే కుర్రోడా... ఎడంకన్ను కొట్టుకుంది పిల్లోడా
కుడికన్ను కొట్టగానే కుర్రోడా... ఎడంకన్ను కొట్టుకుంది పిల్లోడా
ఆ రెండుకళ్ళు కొట్టనేలా... ఈ గుండె తలుపు తట్టనేలా
వంకాయ్.. హోయ్.. హోయ్...


కుడికన్ను కొట్టగానే కుర్రాణ్ణి... ఎడంకన్ను కొట్టుకుంది పిల్లోడా

చరణం 1 :

గుమ్మా ముద్దుగుమ్మా... ముద్దు గుమ్మాలు దాటింది లెమ్మంటా
అరే... అమ్మో.. ఎవడి సొమ్మో... దాచుకోకమ్మో... దోచాలి రమ్మంటా
జోరుగా.. నీరునారుగా పచ్చపైరల్లే ఉర్రూతలూగాలంటా

ఊగాలా... తత్తరపడి విచ్చలవిడి ఉయ్యాలా...
నిద్దరచెడి ముద్దరపడి పొద్దుల గురి తప్పాలా
ముద్దుల ముడి విప్పాలా... అల్లరి పడి సందేలా
మల్లెలతో చెప్పాలా... వంకాయ్.. హోయ్.. హోయ్

కుడికన్ను కొట్టగానే కుర్రోడా... ఎడంకన్ను కొట్టుకుంది పిల్లోడా
ఆ రెండు కళ్ళు కొట్టరాదా... నన్ను రెచ్చగొట్టి చూడరాదా

చరణం 2 :

బుగ్గో..పూతమొగ్గో... కొత్తబేరాలు కోరింది రమ్మంటా
అహ.. సిగ్గో చిలిపి ముగ్గో పట్టపగ్గాలు లేవంది తెమ్మంటా
జోడుగా ఏరు నీరుగా పల్లెసీమల్లో ఊరేగి పోవాలంటా

రేగాలా.. బెత్తర చెలి చూపులు సుడి రేగాలా
నడిరాతిరి కొన ఊపిరి చక్కలిగిలి కావాలా
దిక్కులు చలికూగాలా ... చుక్కలు దిగి రావాలా
మొక్కుబడులు చెయ్యాలా.... వంకాయ్... హోయ్.. హోయ్

కుడికన్ను కొట్టగానే కుర్రాణ్ణి... ఎడం కన్ను కొట్టగానే ఎర్రోణ్ణి
కుడికన్ను కొట్టగానే కుర్రాణ్ణి... ఎడం కన్ను కొట్టగానే ఎర్రోణ్ణి
ఆ రెండు కళ్ళు కొట్టరాదా... నన్ను రెచ్చగొట్టి చూడరాదా
వంకాయ్.. హోయ్.. హోయ్... హోయ్...  

కుడికన్ను కొట్టగానే కుర్రోడా... ఎడంకన్ను కొట్టుకుంది పిల్లోడా
కుడికన్ను కొట్టగానే కుర్రోడా... ఎడంకన్ను కొట్టుకుంది పిల్లోడా
ఆ రెండుకళ్ళు కొట్టనేలా... ఈ గుండె తలుపు తట్టనేలా

చేతిలో చెయ్యేసి చెప్పు బావా

చిత్రం : దసరా బుల్లోడు (1971)
సంగీతం : కె.వి. మహదేవన్
గీతరచయిత : ఆచార్య ఆత్రేయ
నేపథ్య గానం : సుశీల

పల్లవి :

చేతిలో చెయ్యేసి చెప్పు బావా
చేసుకొన్న బాసలు చెప్పుకొన్న ఊసులు
చెరిపి వేస్తాననీ... మరచిపోతాననీ

చేతిలో చెయ్యేసి చెప్పు బావా
చేసుకొన్న బాసలు చెప్పుకొన్న ఊసులు
చెరిపి వేస్తాననీ... మరచిపోతాననీ

చేతిలో చెయ్యేసి చెప్పు బావా

చరణం 1 :

పాడుకొన్న పాటలూ పాతవని ఊరుకో
పాడుకొన్న పాటలూ పాతవని ఊరుకో
ఆ మాటలన్ని మాపేసి కొత్తపాట పాడుకో

చేతిలో చెయ్యేసి చెప్పు బావా
చేసుకొన్న బాసలు చెప్పుకొన్న ఊసులు
చెరిపి వేస్తాననీ... మరచిపోతాననీ
చేతిలో చెయ్యేసి చెప్పు బావా

చరణం 2 :

మాట తప్పిపోయినా మనిషి బ్రతికితే చాలూ
మాట తప్పిపోయినా మనిషి బ్రతికితే చాలూ
మన మమత చంపుకొన్న...  ఒక మంచి మిగిలితేచాలు

చేతిలో చెయ్యేసి చెప్పు బావా

చరణం 3 :

తెలియక మనసిచ్చినా తెలిసికుమిలిపోతున్నా
తెలియక మనసిచ్చినా తెలిసికుమిలిపోతున్నా
మిమ్ము కలపమనీ ముక్కోటి దేవతలకు మొక్కుతున్న

చేతిలో చెయ్యేసి చెప్పు బావా
చేసుకొన్న బాసలు చెప్పుకొన్న ఊసులు
చెరిపి వేస్తాననీ... మరచిపోతాననీ
చేతిలో చెయ్యేసి చెప్పు బావా

నల్లవాడే అమ్మమ్మా అల్లరి పిల్లవాడే

చిత్రం: దసరా బుల్లోడు (1971)
సంగీతం: కె.వి. మహదేవన్
గీతరచయిత: ఆచార్య ఆత్రేయ
నేపథ్య గానం: సుశీల, జానకి



పల్లవి : 


నల్లవాడే అమ్మమ్మా అల్లరి పిల్లవాడే
నల్లవాడే అమ్మమ్మా అల్లరి పిల్లవాడే
చిన్నవాడే ఓయమ్మ రాధకే చిక్కినాడే
లేదమ్మా లేదు రుక్మిణికే దక్కినాడె
నల్లవాడే అమ్మమ్మా అల్లరి పిల్లవాడే
చిన్నవాడే ఓయమ్మ రాధకే చిక్కినాడే
లేదమ్మా లేదు రుక్మిణికే దక్కినాడె
నల్లవాడే అమ్మమ్మా అల్లరి పిల్లవాడే


చరణం  1 :


వెన్నెవంటి మనసున్న చిన్నవాడే
చిన్న నాటినుండి నువ్వు కోరుకొన్నవాడే
వెన్నెవంటి మనసున్న చిన్నవాడే
చిన్న నాటినుండి నువ్వు కోరుకొన్నవాడే


ప్రేమకే బానిసైపోతాడే
కాదమ్మ భక్తికే దాసుడై వుంటాడే
ప్రేమకే బానిసైపోతాడే
కాదమ్మ భక్తికే దాసుడై వుంటాడే


నల్లవాడే అమ్మమ్మా అల్లరి పిల్లవాడే
చిన్నవాడే ఓయమ్మ రాధకే చిక్కినాడే
లేదమ్మా లేదు రుక్మిణికే దక్కినాడె
నల్లవాడే అమ్మమ్మా అల్లరి పిల్లవాడే



చరణం  2 :



నువ్వు వాని వరస వున్నదానివీ
నువ్వు వలపుదోచుకొన్నదానివీ
నువ్వు వాని వరస వున్నదానివీ
నువ్వు వలపుదోచుకొన్నదానివీ

మనసిచ్చి మాట పుచ్చుకొంటివీ
నీ మనసిచ్చి మాట పుచ్చుకొంటివీ
మంచితనముతో నువ్వు గెలుచుకొంటివీ

నల్లవాడే అమ్మమ్మా అల్లరి పిల్లవాడే



చరణం  3 : 


రాధా కృష్ణులు కథలేనమ్మా
వారు ఎన్నడూ ఆలుమగలు కాలేదమ్మా
రాధా కృష్ణులు కథలేనమ్మా
వారు ఎన్నడూ ఆలుమగలు కాలేదమ్మా
రాధా కృష్ణుల ప్రేమే పవిత్రమూ
లోకానికే అది ఆదర్శమూ
రాధా కృష్ణుల ప్రేమే పవిత్రమూ
లోకానికే అది ఆదర్శమూ




గోపాల బాలుడూ...నీ ప్రేమలోలుడూ
గోపాల కృష్ణుడూ...నీ పాలి దేవుడు
గోపాల బాలుడూ...నీ ప్రేమలోలుడూ
గోపాల కృష్ణుడూ...నీ పాలి దేవుడు

వాడు నీ వాడే... కాదు నీ వాడే
వాడు నీ వాడే... కాదు కాదు కానేకాడు

నల్లవాడే అమ్మమ్మా అల్లరి పిల్లవాడే...

జీవితం ఏమిటి

చిత్రం :  దేవదాసు (1974)
సంగీతం : రమేశ్ నాయుడు
గీతరచయిత : ఆరుద్ర
నేపథ్య గానం : బాలు

పల్లవి : 

జీవితం... ఏమిటి?
వెలుతురూ... చీకటి..  అంతే
జీవితం ఏమిటి...  వెలుతురూ చీకటి అంతే
వెలుతురంతా చీకటైతే...  అందులోనే సుఖము ఉన్నది
అవును.. జీవితం ఏమిటి...  వెలుతురూ చీకటి 

చరణం 1 :

మనసు విరిగి తునకలైతే.. ఏ.... ఏ
తునక తునకలో... నరకమున్నది
మనసు విరిగి తునకలైతే.. ఏ.... ఏ
తునక తునకలో... నరకమున్నది 

లేదు లేదనుకున్న శాంతి చేదులోనే ఉన్నది
ఈ చేదులోనే ఉన్నది... హా... హా... హా... 

జీవితం ఏమిటి...  వెలుతురూ చీకటి

చరణం 2 :

రామచిలక ఎగిరిపోతే... రాగబంధం సడలిపోతే
రామచిలక ఎగిరిపోతే... రాగబంధం సడలిపోతే 

మూగ హృదయం... గాయమైనది
ఆ గాయమే ఒక గేయమైనది...
ఆ గాయమే ఒక గేయమైనది...  

జీవితం ఏమిటి...  వెలుతురూ చీకటి అంతే
వెలుతురంతా చీకటైతే... అందులోనే సుఖము ఉన్నది
 జీవితం ఏమిటి...  వెలుతురూ చీకటి
వెలుతురూ....  చీకటి
వెలుతురూ....  చీకటి