అందరికీ ఒక్కడే దేవుడు

చిత్రం :  ఒకే కుటుంబం (1970)
సంగీతం :  కోదండపాణి
గీతరచయిత :  దాశరథి
నేపథ్య గానం :  ఘంటసాల 

పల్లవి : 

అందరికీ ఒక్కడే దేవుడు
అందరికీ ఒక్కడే దేవుడు

కొందరికి రహీము.. కొందరికి రాముడు
కొందరికి రహీము.. కొందరికి రాముడు

ఏ పేరున పిలిచినా దేవుడు ఒక్కడే... దేవుడొక్కడే
అందరికీ ఒక్కడే దేవుడు

చరణం 1 :

పూలలో ఉన్నాయి వేలరకాలు
పక్షులలో ఉన్నాయి లక్షవిధాలు
పూలలో ఉన్నాయి వేలరకాలు
పక్షులలో ఉన్నాయి లక్షవిధాలు 

రేకులు ఉంటేనే పువ్వంటాము... రెక్కలు ఉంటేనే పక్షంటాము
మతాలు ఏవైనా కులాలు వేరైనా... మంచిమనసు ఉంటేనే మనిషంటాము
మనుషులమై మనమంతా కలిసుంటాము  

అందరికీ ఒక్కడే దేవుడు
కొందరికి రహీము.. కొందరికి రాముడు
అందరికీ ఒక్కడే దేవుడు

చరణం 2 :

పై వేషం చూసి నీవు భ్రమపడరాదు
మేడిపండు మెరుగంతా మేలిమికాదు
పై వేషం చూసి నీవు భ్రమపడరాదు
మేడిపండు మెరుగంతా మేలిమికాదు

ఎక్కడో దేవునికై ఎందుకు వెదికేవు?
పక్కనున్న మానవుని ఎందుకు మరిచేవు?
మానవసేవే మాధవసేవ... బాధపడే సోదరులను ఆదుకునేను
మనుషులమై మనమంతా కలిసుంటాము

అందరికీ ఒక్కడే దేవుడు
కొందరికి రహీము.. కొందరికి రాముడు
అందరికీ ఒక్కడే దేవుడు

చరణం 3 :

కష్టపడే నీతిపరుని కడుపు నిండదు
దోచుకునే దొరగారికి తృప్తి ఉండదు
కష్టపడే నీతిపరుని కడుపు నిండదు
దోచుకునే దొరగారికి తృప్తి ఉండదు 

స్వార్థపరుల ఆట మనం కట్టిస్తాము... శ్రమజీవుల కష్టఫలం ఇప్పిస్తాము
స్వార్థపరుల ఆట మనం కట్టిస్తాము... శ్రమజీవుల కష్టఫలం ఇప్పిస్తాము

అహింస బోధిస్తాం ప్రశాంతి సాధిస్తాం... లోకంలో ఆకలే లేకుండా చేస్తాము
మనుషులమై మనమంతా కలిసుంటాము 

అందరికీ ఒక్కడే దేవుడు
కొందరికి రహీము.. కొందరికి రాముడు
అందరికీ ఒక్కడే దేవుడు

మధుర మురళి హృదయ రవళి

చిత్రం :  ఒక రాధ-ఇద్దరు కృష్ణులు (1986)
సంగీతం :  ఇళయరాజా
గీతరచయిత :  వేటూరి
నేపధ్య గానం :  బాలు, జానకి 

పల్లవి :

మధుర మురళి హృదయ రవళి
అధర సుధల యమున పొరలి... పొంగె యద పొంగె
ఈ బృందా విహారాలలోనా..  నా అందాలు నీవే రా కన్నా

ఈ బృందా విహారాలలోనా...  నా అందాలు నీవే రా కన్నా

మధుర మురళి హృదయ రవళి
యదలు కలుపు ప్రణయ కడలి...  సాగే సుడి రేగే
ఈ బృందా విహారాలలోనా...  ఎవరున్నారు రాధమ్మ కన్నా
ఈ బృందా విహారాలలోనా...  ఎవరున్నారు రాధమ్మ కన్నా

చరణం 1 :

గోధూళి వేళల్లో.. గోపెమ్మ కౌగిట్లో
లేలేత వన్నే చిన్నే దోచే వేళల్లో 

పున్నాగ తోటల్లో..  సన్నాయి పందిట్లో
నాజూకులన్నీ నాకు దక్కేవేళల్లో 

పగలో అవతారం.. రాత్రో శృంగారం
ఎదలో తారంగం శ్రీవారికీ 

రాగాలెన్నైనా వేణువు ఒకటేలే
రూపాలెన్నైనా హృదయం ఒకటేలే
నాదే నీ గీతము...  ఇక నీదే ఈ సరసాల సంగీతం 

మధుర మురళి హృదయ రవళి
యదలు పలకు ప్రణయ కడలి... సాగే సుడి రేగే
ఈ బృందావిహారాలలోనా... నా అందాలు నీవే రా కన్నా
ఈ బృందావిహారాలలోనా... ఎవరున్నారు రాధమ్మ కన్నా

చరణం 2 :

హేమంత వేళల్లో...  లే మంచు పందిట్లో
నా వీణ ఉయ్యాలూగే నీలో ఈనాడే 

కార్తీక వెన్నెల్లో... ఏకాంత సీమల్లో
ఆరాధనేదో సాగే అన్నీ నీవాయే 

ముద్దే మందారం ... మనసే మకరందం
సిగ్గే సిందూరం శ్రీదేవికీ
అందాలెన్నైనా అందేదొకటేలే
ఆరూ ఋతువుల్లో ఆమని మనదేలే 

పాటే అనురాగము మన బాటే
ఓ అందాల అనుబంధం

మధుర మురళి హృదయ రవళి
అధర సుధల యమున పొరలి... పొంగె యద పొంగె 

ఈ బృందావిహారాలలోనా... ఎవరున్నారు రాధమ్మ కన్నా
ఈ బృందావిహారాలలోనా...  నా అందాలు నీవే రా కన్నా

http://www.allbestsongs.com/telugu_songs/play-Telugu-Songs-iphone.php?plist=5786