రామ చక్కని సీతకి

చిత్రం: గోదావరి (2006) 
సంగీతం: కె.ఎం. రాధాకృష్ణన్ 
గీతరచయిత: వేటూరి 
నేపధ్య గానం: గాయత్రి 

పల్లవి: 

నీల గగనా ఘనవిచలనా ధరణిజా శ్రీరమణ 
ఆ..ఆ..మధుర వదనా నళిన నయనా మనవి వినరా రామా 

రామ చక్కని సీతకి అరచేత గోరింట 
ఇంత చక్కని చుక్కకి ఇంకెవరు మొగుడంట 
రామ చక్కని సీతకి 

ఉడత వీపున వేలు విడిచిన పుడమి అల్లుడు రాముడే 
ఎడమ చేతను శివుని విల్లును ఎత్తినా ఆ రాముడే 
ఎత్తగలడా సీత జడను తాళి కట్టే వేళలో 
రామ చక్కని సీతకి 

చరణం 1: 

ఎర్ర జాబిలి చేయి గిల్లి రాముడేడని అడుగుతుంటే 
చూడలేదని పెదవి చెప్పె చెప్పలేమని కనులు చెప్పే 
నల్లపూసైనాడు దేవుడు నల్లనీ రఘురాముడు 
రామ చక్కని సీతకి 

చరణం 2: 

చుక్కనడిగా దిక్కునడిగా చెమ్మగిల్లిన చూపునడిగా 
నీరు పొంగిన కనులలోన నీటి తెరలే అడ్డునిలిచే 
చూసుకోమని మనసు తెలిపె మనసు మాటలు కాదుగా 

చరణం 3: 

ఇందువదన కుందరదనా మందగమనా భామా 
ఎందువలన ఇందువదన ఇంత మదనా... ప్రేమ