చిత్రం : హేమా హేమీలు (1979)
సంగీతం : రమేశ్ నాయుడు
గీతరచయిత : వేటూరి
నేపధ్య గానం : బాలు, సుశీల
పల్లవి :
నీ కోలకళ్ళకి నీరాజనాలు
ఆ వాలు చూపుకు అభివందనాలు
ఈ కోపతాపాలకు... ఆ తీపి శాపాలకు
ఈ కోపతాపాలకు ... ఆ తీపి శాపాలకు .. అందించనా నీకు హరిచందనాలు?
నీ కోలకళ్ళకి నీరాజనాలు
ఆ వాలు చూపుకు అభివందనాలు
చరణం 1 :
కోటేరులాంటి ఆ కొస ముక్కు... ప్రొద్దు నిద్దర లేచినట్టు ఆ బొట్టు
మిసమిసలు పసిగట్టి కసిపట్టి బుసకొట్టే... పగడెత్తు పైటున్న ఆ చీరకట్టు
జిగినీల జాకెట్టు... సొగసైన లాకెట్టు
జిగినీల జాకెట్టు.. హో .. సొగసైన లాకెట్టు...
విడిచి పెడితే బెట్టు... నా మీద ఒట్టు
నీ కొంటె కవితకి... నీరాజనాలు
ఆ వాడి చూపుకు... అభివందనాలు
ఈ ఆపసోపాలకు... ఆ విరహ తాపాలకు...
ఈ ఆపసోపాలకు... ఆ విరహ తాపాలకు .. అందించనా నేను సుస్వాగతాలు?
నీ కొంటె కవితకి... నీరాజనాలు
ఆ వాడి చూపుకు... అభివందనాలు
చరణం 2 :
నీ వలపే ...ఉసి గొలుపు... నా చెలిమే చేయి కలుపు
పొలిమేరలో పిలుపు... పులకింతలే రేపు...
జడలోని మల్లికలు...జవరాలి అల్లికలు
చలి పెంచే కోరికలు... జాబిలితో కలయికలు
ఈ ఆరుబయటా ... అందాల అల్లరులు
ఈ పూట నాలో పలికించే... కిన్నెరలు
కలిసిపోనా ఏరు నీరై... నేనింక నీవై .. నీవింక నేనై...
నీ కోలకళ్ళకి నీరాజనాలు
ఆ వాలు చూపుకు అభివందనాలు
http://www.allbestsongs.com/telugu_songs/play-Telugu-Songs-iphone.php?plist=3679
No comments:
Post a Comment