ఏదో మోహం... ఎదలో దాహం

చిత్రం : వీరభద్రుడు (1982)
సంగీతం :  ఇళయరాజా
గీతరచయిత : 
నేపథ్య గానం :  బాలు, జానకి    

పల్లవి : 

ఏదో మోహం... ఎదలో దాహం
నిదురించే నా మనసే
ఉలికిపడే ఊహలతో
నాలో ఏదో...  అలజడిగా

ఏదో మోహం, ఎదలో దాహం
నిదురించే నా మనసే
కదిలించే ఊహలతో
నాలో ఏదో...  అలజడిగా

ఏదో మోహం... ఎదలో దాహం

చరణం 1 :

సందెగాలి తాకితేనే... సన్నజాజులారిపోయే
సందెగాలి తాకితేనే... సన్నజాజులారిపోయే
లేత ఉసురు సోకితేనే... కన్నె వయసు గాయమాయే
లేత ఉసురు సోకితేనే... కన్నె వయసు గాయమాయే

కన్ను బాసలాడగానే... మాటలన్నీ మూగబోయే
దాచుకున్న మాటలన్నీ... చెలిమి కోరు పాటలాయే
తాళలేని తపన వేడిలో... రెండు ఎదలలో ఏక తాళమై

ఏదో మోహం... ఎదలో దాహం
నిదురించే నా మనసే
కదిలించే ఊహలతో
నాలో ఏదో...  అలజడిగా

చరణం 2 :

చందమామ ఎండ కాసే... నిప్పు పూల దండలేసే
చందమామ ఎండ కాసే... నిప్పు పూల దండలేసే
గుబులు గుబులు గుండెలోన... అర్థరాత్రి తెల్లవారే
గుబులు గుబులు గుండెలోన... అర్థరాత్రి తెల్లవారే 

అతని చేయి తాకితేనే... అలవికాని ఆశలాయే
ఉండి ఉండి ఊపిరంతా... పరిమళాల వెల్లువాయే
ఆపలేని విరహ వేదనే... తీపి తీపిగా ఎదను కోయగా

ఏదో మోహం... ఎదలో దాహం
నిదురించే నా మనసే
కదిలించే ఊహలతో
నాలో ఏదో...  అలజడిగా

ఏదో మోహం... ఎదలో దాహం
నిదురించే నా మనసే
ఉలికిపడే ఊహలతో
నాలో ఏదో...  అలజడిగా

అలజడిగా....
అలజడిగా....