అందగాడా అందగాడా

చిత్రం: ఘర్షణ (2004)
సంగీతం: హారిస్ జయరాజ్
గీతరచయిత: కులశేఖర్
నేపధ్య గానం: హరిణి

పల్లవి:

అందగాడా అందగాడా .. అందాలన్నీ అందుకోరా
అల్లుకోరా గిల్లుకోరా .. అందమంతా నీదిరా
మల్లెమొగ్గ మల్లెమొగ్గ .. రమ్మంటోందోయ్ అందగాడా
పూలపక్క ఆకువక్క .. అందుకోరా సుందరా
గోదారల్లే ..నాలో పొంగే కోరికమ్మా
నీదేలేరా ..నోరూరించే ఆడబొమ్మా
ఆడుకోరా .. పాడుకోరా .. రాతిరంతా .. హాయిగా..

చరణం 1:

గాలే తాకని .. నాలో సోకుని .. ఇన్నాళ్ళుంచానయ్యో నీకోసం
నా అందం చందం అంతా నీకోసం
తోడే లేదని .. కాలే కౌగిలి .. ఎప్పటినుంచి ఉందో నీకోసం
నా ప్రాయం ప్రాణం అంతా నీకోసం
ఎందుకో ..ఏమిటో.. ఇంతకాలం ఎంతో దూరం
ముందరే .. ఉందిగా.. సొంతమయ్యే సంతోషం..

చరణం 2:

జారే పైటకి ..తూలే మాటకి.. తాపం పెంచిందయ్యో నీరూపం
ఏనాడూ లేనే లేదు ఈ మైకం
నాలో శ్వాసకి .. రేగే ఆశకి .. దాహం పెంచిందయ్యో నీస్నేహం
గుర్తంటూ రానేరాదు ఈ లోకం
నీ జతే .. చేరితే.. మాయమయ్యే నాలో మౌనం
కాలమై.. సాగెనే.. అంతులేని ఆనందం...

మల్లెమొగ్గ మల్లెమొగ్గ .. రమ్మంటోందోయ్ అందగాడా
పూలపక్క ఆకువక్క .. అందుకోరా సుందరా
గోదారల్లే ..నాలో పొంగే కోరికమ్మా
నీదేలేరా ..నోరూరించే ఆడబొమ్మా
ఆడుకోరా .. పాడుకోరా .. రాతిరంతా .. హాయిగా...