వెళ్ళిపోతున్నావా అమ్మా

చిత్రం: దసరా బుల్లోడు (1971)
సంగీతం: కె.వి. మహదేవన్
గీతరచయిత: ఆచార్య ఆత్రేయ
గానం: ఘంటసాల

పల్లవి: వెళ్ళిపోతున్నావా..అమ్మా
యిల్లు విడిచి నన్ను మరచి వెళ్ళిపోతున్నావా

వెళ్ళిపోతున్నావా..అమ్మా
యిల్లు విడిచి నన్ను మరచి వెళ్ళిపోతున్నావా
వెళ్ళిపోతున్నావా..అమ్మా

చరణం: 1

నువ్వే అమ్మని అన్నే నాన్నని అల్లారుముద్దుగా పెరిగానే
ఈ లోకం ఎరుగక బాధే తెలియక పసిపాపడిలా పెంచారే
అమ్మా ఏమై పోవాలి..నేనెలా బ్రతకాలి

వెళ్ళిపోతున్నావా..అమ్మా
యిల్లు విడిచి నన్ను మరచి వెళ్ళిపోతున్నావా

చరణం: 2

పంపకాలే తలవంపులనీ..రెండు యిళ్ళను కలుపుతాననీ
పెంపక మిచ్చారానాడు..ఆ దత్తే నేడు నా దేవుళ్ళను
నడివీధికీ లాగిందమ్మా..నవ్వుల పాలు చేసిందమ్మా

వెళ్ళిపోతున్నావా..అమ్మా
యిల్లు విడిచి నన్ను మరచి వెళ్ళిపోతున్నావా

చరణం: 3

ప్రాణం దేహం విడిపోతున్నవి..పాలమనసూ కన్నీరైనది
ఎవరో పెట్టిన అనలం రగిలీ..యిందరి మమతలు బలికోరినదీ
అమ్మా ఏమై పోవాలి..నేనింకెలా బ్రతకాలి
నేఇంకెలా బ్రతకాలి..ఎలా బ్రతాకాలీ..