చిత్రం : మాయాబజార్ (1957) సంగీతం : ఘంటసాల గీతరచయిత : సముద్రాల (సీనియర్) నేపధ్య గానం : ఘంటసాల, పి. లీల
పల్లవి:
నీకోసమె నే జీవించునది ఈ విరహములో ఈ నిరాశలో.. నీకోసమె నే జీవించునది
వెన్నెల కూడా చీకటియైనా మనసున వెలుగే లేక పోయినా.......... నీకోసమె నే జీవించునది
చరణం 1:
విరహము కూడా సుఖమే కాదా నిరతము చింతన మధురము కాదా విరహము కూడా సుఖమే కాదా నిరతము చింతన మధురము కాదా వియోగ వేళల విరిసే ప్రేమల విలువను కనలేవా ...
నీ రూపమె నే ధ్యానించునది నా హృదయములో...నా మనస్సులో ... నీరూపమె నే ధ్యానించునది
చరణం 2:
హృదయము నీతో వెడలిపోయినా.. మదిలో ఆశలు మాసిపోయినా మన ప్రేమలనే మరి మరి తలచి ప్రాణము నిలుపుకొనీ నీకోసమె నే జీవించునది...
చరణం 3:
మెలకువనైనా కలలోనైనా కొలుతును నిన్నే ప్రణయదేవిగా లోకములన్ని ఏకమె అయినా ఇక నా దానవెగా.. నీ రూపమెనే ధ్యానించునది... ఈ విరహాములో..ఈ నిరాశలో ... నీకోసమె నే జీవించునది
No comments:
Post a Comment