జామురాతిరి జాబిలమ్మ

చిత్రం: క్షణ క్షణం  (1991)
సంగీతం: కీరవాణి
గీతరచయిత: సిరివెన్నెల
నేపథ్య గానం: బాలు, చిత్ర 

పల్లవి :

జామురాతిరి జాబిలమ్మ జోలపాడనా ఇలా
జోరుగాలిలో జాజికొమ్మ జారనీయకే కలా
వయారి వాలు కళ్ళలోనా వరాల వెండిపూల వాన
స్వరాల ఊయలూగు వేళ

జామురాతిరి జాబిలమ్మ జోలపాడనా ఇలా

చరణం 1 :

కుహు కుహు సరాగాలే శ్రుతులుగా
కుశలమా అనే స్నేహం పిలువగా
కిల కిల సమీపించే సడులతో

 ప్రతి పొద పదాలేవో పలుకగా

కునుకు రాక బుట్టబొమ్మ గుబులుగుందనీ
వనము లేచి వద్దకొచ్చి నిద్ర పుచ్చనీ

జామురాతిరి జాబిలమ్మ జోలపాడనా ఇలా

చరణం 2 :

మనసులో భయాలన్నీ మరిచిపో 

మగతలో మరో లోకం తెరుచుకో
కలలతో ఉషాతీరం వెతుకుతూ 

నిదరతో నిషారాణి నడిచిపో

చిటికలోన చిక్కబడ్డ కటిక చీకటి
కరిగిపోక తప్పదమ్మ ఉదయకాంతికి

జామురాతిరి జాబిలమ్మ జోలపాడనా ఇలా
జోరుగాలిలో జాజికొమ్మ జారనీయకే కలా
వయారి వాలు కళ్ళలోనా వరాల వెండిపూల వాన
స్వరాల ఊయలూగు వేళ

http://www.allbestsongs.com/telugu_songs/play-Telugu-Songs-iphone.php?plist=11025