పిలిచారు మావారు

చిత్రం : పండంటి జీవితం (1981)
సంగీతం :  చక్రవర్తి
గీతరచయిత :  వేటూరి
నేపధ్య గానం :  జానకి 

పల్లవి : 

పిలిచారు మావారు ఇన్నాళ్ళకి
పలికారు వీడ్కోలు కన్నీళ్ళకి
పిలిచారు మావారు ఇన్నాళ్ళకి
పలికారు వీడ్కోలు కన్నీళ్ళకి 

తూరుపు పడమర లేక..సూర్యుడే లేడని..
భార్యని భర్తని కలపని..జీవుడే ఉండడని.. 

ఆ ఆ ఆ ఆ ఆ
పిలిచారు మావారు..ఇన్నాళ్ళకి
పలికారు వీడ్కోలు..కన్నీళ్ళకి
పిలిచారు మావారు..ఇన్నాళ్ళకి 

చరణం 1 :

ఇలకు జారని పిలుపు..ఊ..కడలి చేరని వాగు..ఊ
ఇలకు జారనిపిలుపు..కడలి చేరని వాగు
భర్త ఒడిని గుడి కట్టని భార్య బ్రతుకు లేదని..ఈ
తెలిసింది నా జీవన సంధ్యా సమయంలో
అందుకనే..  అందుకనే.. వస్తున్నా ఉదయించిన హృదయంతో
ఉదయించిన హృదయంతో.... ఓ... ఓ

పిలిచారు మావారు..ఇన్నాళ్ళకి
పలికారు వీడ్కోలు..కన్నీళ్ళకి
పిలిచారు మావారు..ఇన్నాళ్ళకి  

చరణం 2 :

పసుపు కుంకుమ చిందే... పడతి జన్మ ధన్యం..
పసుపు కుంకుమ చిందే... పడతి జన్మ ధన్యం
పతి మమతే ఏనాటికి... పతికి నిత్య సౌభాగ్యం
తెలిసింది అరుంధతి... మెరిసిన ఈ సమయంలో
అందుకనే..  అందుకనే..  వస్తున్నా పండిన నా ప్రణయం తో
పండిన నా ప్రణయం తో....ఓ... 

పిలిచారు మావారు..ఇన్నాళ్ళకి