కళ్ళతో కాటేసి

చిత్రం :  కన్నకొడుకు (1973)
సంగీతం :  టి. చలపతిరావు
గీతరచయిత :  దాశరథి
నేపధ్య గానం :  సుశీల, ఘంటసాల

పల్లవి :

కళ్ళతో కాటేసి... ఒళ్ళు ఝల్లుమనిపించి
రమ్మంటే రానంటావెట్టాగే... పిల్లా ఎట్టాగే... పిల్లా ఎట్టాగే 

బుగ్గమీద సిటికేసి... సిగ్గులోన ముంచేసి
నన్నెట్ట రమ్మంటవ్ పిల్లగాడా... భలే పిల్లగాడా... కొంటె పిల్లగాడా 

చరణం 1 :

తోటలోనా మాటువేసీ... వెంటబడితే బాగుందా
పంటసేనూ గట్టుమీద... పైనబడితే బాగుందా
సెంగావి చీరతో... బంగారు రైకలో
మోజులెన్నో ఊరిస్తే... బాగుందా

ఈ..కళ్ళతో కాటేసి... ఒళ్ళు ఝల్లుమనిపించి
రమ్మంటే రానంటావెట్టాగే... పిల్లా ఎట్టాగే... పిల్లా ఎట్టాగే

చరణం 2 :

మొదటిసారీ చూడగానే... మత్తుమందూ చల్లావే

మాయజేసీ మనసు దోచీ... తప్పు నాదే అంటావే

బెదురెందుకు నీకనీ... ఎదురుగ నుంచోమనీ

పెదవిమీద... నా పెదవిమీద... అమ్మమ్మో... బాగుందా   

బుగ్గమీద సిటికేసి... సిగ్గులోన ముంచేసి 

నన్నెట్ట రమ్మంటవ్ పిల్లగాడా... భలే పిల్లగాడా... కొంటె పిల్లగాడా 

చరణం 3 :

సైగ చేసి సైకిలెక్కి... సరసమాడితే బాగుందా
పైటసెంగూ నీడలోన... నన్ను దాస్తే బాగుందా
కందిరీగ నడుముతో... కన్నెలేడి నడకతో
కైపులోన ముంచెస్తే... బాగుందా

ఈ..కళ్ళతో కాటేసి... ఒళ్ళు ఝల్లుమనిపించి
రమ్మంటే రానంటావెట్టాగే... పిల్లా ఎట్టాగే... పిల్లా ఎట్టాగే 

చరణం 4 :

పెంచుకున్నా ఆశలన్నీ... పంచుకుంటానన్నావే
ఊసులాడీ..బాసలాడీ... వొళ్ళుమరచీ పోయావే
జాబిల్లి వెలుగులోతారల్ల తళుకులో... ఏవేవో కొరికలు కోరావే       

బుగ్గమీద సిటికేసి... సిగ్గులోన ముంచేసి
నన్నెట్ట రమ్మంటవ్ పిల్లగాడా... భలే పిల్లగాడా... కొంటె పిల్లగాడా

http://www.allbestsongs.com/telugu_songs/play-Telugu-Songs-iphone.php?plist=1741