మ్రోగింది గుడిలోని గంట

చిత్రం : శ్రీమతి (1966)
సంగీతం : శ్రీ నిత్యానంద్
గీతరచయిత :  ఆరుద్ర
నేపథ్య గానం : సుశీల, ఘంటసాల  

పల్లవి :

మ్రోగింది గుడిలోని గంట... మురిసింది హృదయాల జంట
నీలో నాలో వెలిగే ప్రేమా... నింపింది కిరణాల పంట

చరణం 1 : 

నా మనసే ప్రియా... నీవుండే విడిది
నాలో పొంగింది... ఆనంద జలధి

వికసించే మనోభావాలు కలిసే
వెండి పందిరిగా లోకమె వెలసే

నీవే నేనుగా... ఒకటైన చోట
నీవే నేనుగా... ఒకటైన చోట
పూచే వలపుల..తోటా..ఆ... ఆ 

మ్రోగింది గుడిలోని గంట... మురిసింది హృదయాల జంట
నీలో నాలో వెలిగే ప్రేమా... నింపింది కిరణాల పంట

చరణం 2 : 

ప్రేమించి..నిను సేవింతుగానా
ఇల్లాలినైనాను..ఈ ముహుర్తానా

దేవతలే చెలీ... దీవించినారూ..
ఇద్దరినొకటిగా... కావించినారూ..

ఎపుడు మనలో... ఎడబాటు లేక
ఎపుడు మనలో... ఎడబాటు లేక
బ్రతుకే పూవుల..బాటా..ఆ... ఆ 

మ్రోగింది గుడిలోని గంట... మురిసింది హృదయాల జంట
నీలో నాలో వెలిగే ప్రేమా... నింపింది కిరణాల పంట