హృదయంలో అరుణం

చిత్రం :  అరుణ కిరణం (1986)

సంగీతం : చక్రవర్తి

గీతరచయిత : జాలాది

నేపథ్య గానం : శ్రీనివాస్ చక్రవర్తి, సుశీల 

పల్లవి :

అరుణా... అరుణా... అరుణా...

హృదయంలో అరుణం... అరుణం

ఉదయంలో అరుణం... అరుణం

ఎన్నెన్ని జన్మాలదో ఈ ఋణం

అనురాగమై విరిసె అరుణారుణం 

ఆ.. ఆ.. ఆ.. ఆ.. 

హృదయంలో అరుణం... అరుణం

ఉదయంలో అరుణం... అరుణం

 

చరణం 1 : 

దిశలే పరవశమై వికసించినందొక వర్ణం 

దివిలో రవికిరణం తన కోరిక తీర్చిన ప్రణయం

కలలై కలవరించే... నీలో కోరికా

నిజమై ఋజువు కాగా నాలో వేడుక 

మనసే మధుర గీతం పాడదా

వయసే వలపు నాట్యం ఆడదా 

ఆ.. ఆ.. ఆ.. ఆ.. ఆ.. 

హృదయంలో అరుణం... అరుణం

ఉదయంలో అరుణం... అరుణం

చరణం 2 : 

యుగమే చెరి సగమై విరబూచినదీ మందారం

తనువై తన మనువై రవళించినదీ సిందూరం 

అందం ప్రణయ గంధం... నీ పై చల్లగా

సాగే ప్రేమరాగం... నా లో మెల్లగా

అరుణం అమర నాట్యం ఆడదా

కిరణం కరుణ గీతం పాడదా 

ఆ... ఆ.. ఆ. ... ఆ... ఆ.. 

హృదయంలో అరుణం... అరుణం

ఉదయంలో అరుణం... అరుణం

ఎన్నెన్ని జన్మాలదో ఈ ఋణం

అనురాగమై విరిసె అరుణారుణం 

ఆ.. ఆ.. ఆ.. ఆ.. 

హృదయంలో అరుణం... అరుణం

ఉదయంలో అరుణం... అరుణం