ప్రేమంటే సులువు కాదురా

చిత్రం: ఖుషి (2001)
సంగీతం: మణిశర్మ
గీతరచయిత: ఏ.ఎం.రత్నం
నేపధ్య గానం: దేవన్, కల్పన

పల్లవి:

ప్రేమంటే సులువు కాదురా అది నీవు గెలవ లేవురా
ప్రేమించ షరతులేమిటో అందులోని మర్మమేమిటో
ప్రేమెంతో విలువ అయినది అందరికి దొరకలేనిదీ
చూసేందుకు చక్కనైనదీ తాకావా భగ్గుమంటదీ
నో నో నో అలా చెప్పకూ మనసుంటే మార్గముంటదీ
సై అంటే చేసిచుపుతా లోకానికీ చాటి చెప్పుతా
సై అంటే చేసిచుపుతా లోకానికీ చాటి చెప్పుతా

చరణం 1:

జాబిలినే బొమ్మగ చేసిస్తావా భూలోకం చుట్టి సిగలో తురిమేస్తావా
మబ్బులతో మల్లెల పరుపేస్తావా ఆకాశం దిండుగ మార్చేస్తావా
ఇస్తావా తెస్తావా తెస్తావా
సూర్యుడ్నే పట్టి తెచ్చేదా నీ నుదిటిన బొట్టు పెట్టెదా
చుక్కలతో చీర కట్టెదా మెరుపులతో కాటుకెట్టెదా

చరణం 2:

తాజ్ మహలే నువ్వు కట్టిస్తావా నాకోసం నయాగరా జలపాతం తెస్తావా
ఎవరెస్టూ శిఖరమెక్కిస్తావా పసిఫిక్ సాగరమీదేస్తావా
వస్తావా తెస్తావా తెస్తావా
స్వర్గాన్నే సృష్టిచేసేదా నీ ప్రేమకు కానుకిచ్చేదా
కైలాసం భువికి దించేదా నా ప్రేమను రుజువు చేసేదా

ప్రేమంటే సులువు కాదురా అది నీవు గెలవ లేవురా
ప్రేమించ షరతులేమిటో అందులోని మర్మమేమిటో
ప్రేమెంతో విలువ అయినది అందరికి దొరకలేనిదీ
చూసేందుకు చక్కనైనదీ తాకావా భగ్గుమంటదీ
నో నో నో అలా చెప్పకూ మనసుంటే మార్గముంటదీ
సై అంటే చేసిచుపుతా లోకానికీ చాటి చెప్పుతా