శంభో శివ శంభో

చిత్రం: అందమైన అనుభవం (1979)
సంగీతం: ఎం.ఎస్. విశ్వనాథన్
గీతరచయిత: ఆచార్య ఆత్రేయ
నేపధ్య గానం: బాలు

పల్లవి:

శంభో శివ శంభో.. శివ శంభో శివ శంభో
వినరా ఓరన్నా ..అనెరా వేమన్న...
జగమే మాయన్నా... శివ శంభో...
నిన్న రాదన్న.. రేపూ లేదన్న.. నేడే నీదన్న.. శివ శంభో..

వినరా ఓరన్నా.. అనెరా వేమన్న..
జగమే మాయన్నా.. శివ శంభో..ఓ..
నిన్న రాదన్న.. రేపూ లేదన్న ..నేడే నీదన్న ...శివ శంభో..ఓ..

చరణం 1:

అందాన్ని కాదన్న.. ఆనందం లేదన్న..
బంధాలు వలదన్న... బ్రతుకంతా చేదన్న..
సిరులున్నా.. లేకున్నా.. చెలితోడు నీకున్నా..
అడవిలో నువ్వున్నా.. అది నీకు నగరంరా...ఆ..ఆ..ఆ

వినరా ఓరన్నా.. అనెరా వేమన్న..
జగమే మాయన్నా.. శివ శంభో..ఓ..ఓ..
నిన్న రాదన్న.. రేపూ లేదన్న.. నేడే నీదన్న.. శివ శంభో..ఓ..ఓ..

చరణం 2:

ఈ తేటిదీ పువ్వు అని అన్నదెవరన్న..
ఏ తేనె తాగిన తీపొకటేకదరన్న..
నీదన్న నాదన్న.. వాదాలు వలదన్న..
ఏదైనా మనదన్న.. వేదాన్నే చదువన్న..ఓ..ఓ...
ఊరోళ్ళ సొమ్ముతో గుడికట్టి గోపన్న..ఆ..
శ్రీరామ భక్తుడై పేరొందెరోరన్న..
భక్తైనా రక్తైనా భగవంతుడేనన్న..
ఈనాడు సుఖమన్న.. ఎవడబ్బ సొమ్మన్న..

వినరా ఓరన్నా.. అనెరా వేమన్న..
జగమే మాయన్నా.. శివ శంభో..ఓ..ఓ..
నిన్న రాదన్న.. రేపూ లేదన్న.. నేడే నీదన్న.. శివ శంభో..ఓ..ఓ..