చెప్పాలని ఉంది

చిత్రం: ఉమ్మడి కుటుంబం (1967) 
సంగీతం: టి.వి. రాజు 
గీతరచయిత: సినారె 
నేపధ్య గానం: ఘంటసాల, సుశీల 


పల్లవి: 

చెప్పాలని ఉంది.. 
చెప్పాలని ఉంది..దేవతయే దిగివచ్చి 
మనుషులలో కలసిన కథ చెప్పాలని ఉంది 

చరణం 1: 

పల్లెటూరి అబ్బాయిని పదునుపెట్టి వెన్నుతట్టి 
పల్లెటూరి అబ్బాయిని పదునుపెట్టి వెన్ను తట్టి 
మనిషిగ తీరిచి దిద్దిన మరువరాని దేవత కథ.. చెప్పాలని ఉంది 

చరణం 2: 

కోరనిదే వరాలిచ్చి.. కొండంత వెలుగు నిచ్చి 
కోరనిదే వరాలిచ్చి.. కొండంత వెలుగు నిచ్చి 
మట్టిని మణిగా చేసిన మమతెరిగిన దేవత కథ.. చెప్పాలని ఉంది 

చరణం 3: 

అంతటి దేవికి నా పై ఇంతటి దయ ఏలనో.. 
అంతటి దేవికి నా పై ఇంతటి దయ ఏలనో.. 
ఎన్ని జన్మలకు ఈ ఋణమెలా ఎలా తీరునో 

నీ చల్లని మదిలో ఆ దేవికింత చోటిస్తే... 
నీ చల్లని మదిలో అ దేవికింత చోటిస్తే.. 
ఆ లోకమె మరచి పోవు నీ లోనే నిలిచిపోవు 
ఆ ..ఆ..ఆ..ఆ..ఆ