చెలియ చెలియా చిరు కోపమా

చిత్రం: ఖుషి (2001)
సంగీతం: మణిశర్మ
గీతరచయిత: ఏ.యం. రత్నం
నేపధ్య గానం: శ్రీనివాస్, హరిణి

పల్లవి:

చెలియ చెలియా చిరు కోపమా
చాలయ్యా చాలయ్యా పరిహాసము
కోపాలు తాపాలు మనకేల సరదాగా కాలాన్ని గడపాలా
సలహాలు కలహాలు మనకేల ప్రేమంటే పదిలంగా వుండాలా
చెలియ చెలియా చిరు కోపమా
చాలయ్యా చాలయ్యా పరిహాసము

చరణం 1:

రెమ్మల్లో మొగ్గ నే పూయను పొమ్మంటే గాలి తాకంగా పూచెనులే
ఐతే గాలే గెలిచిందననా లేక పువ్వే ఓడిందననా
రాళ్ళల్లో శిల్పం లో లోపల దాగున్నా ఉలి తాకంగా వెలిసెనులే
ఐతే ఉలియే గెలిచిందననా లేక శిల్పం ఓడిందననా
ఈ వివరం తెలిపేది ఎవరంటా వ్యవహారం తీర్చేది ఎవరంటా
కళ్ళల్లో కదిలేటి కలలంటా ఊహల్లో ఊగేటి ఊసంటా
చెలియ చెలియా చిరు కోపమా

చరణం 2:

నీలి మేఘాలు చిరుగాలిని ఢీ కొంటే మబ్బు వానల్లే మారునులే
దీన్ని గొడవేననుకోమననా లేక నైజం అనుకోనా
మౌనరాఘాలు రెండు కళ్ళని ఢీ కొంటే ప్రేమ వాగల్లే పొంగునులే
దీన్ని ప్రళయం అనుకోమననా లేక ప్రణయం అనుకోనా
ఈ వివరం తెలిపేది ఎవరంటా వ్యవహారం తీర్చేది ఎవరంటా
అధరాలు చెప్పేటి కథలంటా హృదయంలో మెదిలేటి వలపంటా
చెలియ చెలియా చిరు కోపమా
చాలయ్యా చాలయ్యా పరిహాసము