Thursday, December 6, 2012

నీ ధర్మం.. నీ సంఘం

చిత్రం: కోడలు దిద్దిన కాపురం (1970) 
సంగీతం: టి.వి. రాజు 
గీతరచయిత: సినారె 
నేపధ్య గానం: సుశీల 

పల్లవి: 

నీ ధర్మం.. నీ సంఘం.. నీ దేశం.. నువు మరవద్దు 
జాతిని నడిపి.. నీతిని నిలిపిన.. మహనీయులనే మరవద్దు 

సత్యం కోసం సతినే అమ్మినదెవరు... హరిచంద్రుడు 
తండ్రి మాటకై కానలకేగినదెవరు... శ్రీరామచంద్రుడు 
అన్న సేవకే అంకితమైనది ఎవరన్నా... లక్ష్మన్న 
పతియే దైవమని తరించింపోయినదెవరమ్మ... సీతమ్మ 
ఆ పుణ్యమూర్తులు చూపినమార్గం.. అనుసరించుటే ధర్మం 
అనుసరించుటే.. నీ ధర్మం 
నీ ధర్మం.. మరవద్దు 
జాతిని నడిపి.. నీతిని నిలిపిన.. మహనీయులనే మరవద్దు 

చరణం 1: 

చాపకూడుతో సమతను నేర్పెను.. నాటి పలనాటి బ్రహ్మన్న 
మేడిపండులా మెరిసే సంఘం.. గుట్టువిప్పెను వేమన్న 

వితంతుల విధివ్రాతలు మార్చి బ్రతుకులు పండించే.. కందుకూరి 
తెలుగు భారతిని ప్రజలభాషలో తీరిచిదిద్దెను.. గురజాడ 
ఆ సంస్కర్తల ఆశయరంగం.. నీవు నిలిచిన సంఘం 
నీవు నిలిచిన.. ఈ సంఘం 

నీ సంఘం.. మరవద్దు.. 
జాతిని నడిపి.. నీతిని నిలిపిన.. మహనీయులనే మరవద్దు 

చరణం 2: 

స్వతంత్రభారత రథసారథియై.. సమరాన దూకే నేతాజి 
సత్యాగ్రహమే సాధనమ్ముగా.. స్వరాజ్యమే తెచ్చె బాపూజి 
గుండుకెదురుగా గుండె నిలిపెను.. ఆంధ్రకేసరి టంగుటూరి 
తెలుగువారికొక రాష్ట్రం కోరి ఆహుతి ఆయెను.. అమరజీవి 

ఆ దేశభక్తులు వెలసిన దేశం.. నీవు పుట్టిన భారతదేశం 
నీవు పుట్టిన.. ఈ దేశం 

నీ ధర్మం.. నీ సంఘం.. నీ దేశం.. నువు మరవద్దు 
జాతిని నడిపి.. నీతిని నిలిపిన.. మహనీయులనే మరవద్దు 
మహనీయులనే.. మరవద్దు

No comments:

Post a Comment