చిత్రం: కార్తీక దీపం (1979)
సంగీతం: సత్యం
గీతరచయిత: దేవులపల్లి
నేపధ్య గానం: సుశీల, జానకి
పల్లవి:
ఆ ఆ ఆ... ఆ ఆ ఆ...
ఆరనీకుమా ఈ దీపం కార్తీకదీపం
చేరనీ నీ పాదపీఠం కర్పూరదీపం
ఆరనీకుమా ఈ దీపం కార్తీకదీపం
చేరనీ నీ పాదపీఠం కర్పూరదీపం
ఇదే సుమా నా కుంకుమతిలకం
ఇదే సుమా నా మంగళసూత్రం
ఆరనీకుమా ఈ దీపం కార్తీకదీపం
చేరనీ నీ పాదపీఠం కర్పూరదీపం..
చరణం 1:
ఇంటిలోన నా పాప రూపున గోరంతదీపం
కంటికెదురుగా కనబడువేళల కొండంతదీపం
నా మనస్సులో వెలిగే దీపం
నా మనుగడ నడిపే దీపం
ఆరనీకుమా ఈ దీపం కార్తీకదీపం
చేరనీ నీ పాదపీఠం కర్పూరదీపం
చరణం 2:
ఆ ఆ ఆ... ఆ ఆ ఆ...
ఆకాశాన ఆ మణి దీపాలే ముత్తైదువులుంచారో
ఈ కోనేట్లో ఈ చిరుదివ్వెల చూసి చుక్కలనుకుంటారో
ఏమైనా ఏదైనా కోవెలలో కొలువై యుండే
దేవికి పట్టిన హారతులే
ఆరనీకుమా ఈ దీపం కార్తీకదీపం
చేరనీ నీ పాదపీఠం కర్పూరదీపం
చేరనీ నీ పాదపీఠం నా ప్రాణదీపం
చరణం 3:
ఆ ఆ ఆ... ఆ ఆ ఆ...
నోచిన నోములు పండెనని ఈ ఆనందదీపం
నా దాచిన కోర్కెలు నిండునని ఈ ఆశాదీపం
నా నోచిన నోములు పండెనని ఈ ఆనందదీపం
నా దాచిన కోర్కెలు నిండునని ఈ ఆశాదీపం
ఎచటైనా ఎప్పుడైనా నే కొలిచే కళ్యాణదీపం
నే వలచే నా ప్రాణదీపం
ఆరనీకుమా ఈ దీపం కార్తీకదీపం
చేరనీ నీ పాదపీఠం కర్పూరదీపం
చేరనీ నీ పాదపీఠం నా ప్రాణదీపం
No comments:
Post a Comment