మధురాతి మధురం మన ప్రేమ మధువు

చిత్రం: జీవిత చక్రం (1971) 
సంగీతం: శంకర్ జైకిషన్ 
గీతరచయిత: ఆరుద్ర 
నేపధ్య గానం: ఘంటసాల, శారద 

పల్లవి: 

మధురాతి మధురం మన ప్రేమ మధువు 
మది నిండలేదు .. తమి తీరలేదు 

మధురాతి మధురం మన ప్రేమ మధువు 
మది నిండునోయి .. తమి చేరునోయి 

చరణం 1: 

నిను వీణ చేసి .. కొనగోట మీటి .. అనురాగ గీతాలే .. పలికించనా 
ఆ పాటలోని .. భావాలు నీవై .. నీలోని వలపు .. నాలోన నిలుపు 

చరణం 2: 

చిరు కోర్కెలేవో ..చిగురించ సాగే .. ఎదలోన ఆశా ... ఊరించ సాగే 
నీ ఆశలెన్ని .. విరబూయగానే .. పూమాల చేసి .. మెడలోన వేతు 

చరణం 3: 

నా గుడిలోనా .. గుడి కట్టినానూ 
గుడిలోన దేవతలా .. నివసించవా 
గుడిలోన ఉన్నా .. ఏద మీద ఉన్నా .. 
నీ దేవి .. నీ కొరకే .. జీవించునులే ..