రాలిపోయె పువ్వా నీకు రాగాలెందుకే

చిత్రం :  మాతృదేవోభవ (1993)
సంగీతం :  కీరవాణి
గీతరచయిత :  వేటూరి
నేపధ్య గానం : కీరవాణి

పల్లవి:

రాలిపోయె పువ్వా నీకు రాగాలెందుకే.. తోటమాలి నీ తోడులేడులే
వాలిపోయె పొద్దా నీకు వర్ణాలెందుకే.. లోకమెన్నడో చీకటాయెలే
నీకిది తెలవారని రేయమ్మా.... కలికీ మా చిలకా పాడకు నిన్నటి నీ రాగం..

రాలిపోయె పువ్వా నీకు రాగాలెందుకే.. తోటమాలి నీ తోడులేడులే
వాలిపోయె పొద్దా నీకు వర్ణాలెందుకే... లోకమెన్నడో చీకటాయెలే

చరణం 1:

చెదిరింది నీ గూడు గాలిగా చిలకా గోరింకమ్మ గాధగా...
చిన్నారి రూపాలు కన్నీటి దీపాలు కాగా......
తనవాడు తారల్లో చేరగా... మనసు మాంగళ్యాలు జారగా..
సింధూర వర్ణాలు తెల్లారి చల్లారి పోగా...
తిరిగే భూమాతవు నీవై.. వేకువలో వెన్నెలవై
కరిగే కర్పూరము నీవై.. ఆశలకే హరతివై ..

రాలిపోయె పువ్వా నీకు రాగాలెందుకే.. తోటమాలి నీ తోడులేడులే
వాలిపోయె పొద్దా నీకు వర్ణాలెందుకే... 

చరణం 2:

అనుబంధమంటేనె అప్పులే.. కరిగే బంధాలన్నీ మబ్బులే
హేమంత రాగల చేమంతులే వాడిపోయే...
తన రంగు మార్చింది రక్తమే.. తనతో రాలేనంది పాశమే
దీపాల పండక్కి దీపాలె కొండెక్కి పొయే...
పగిలే ఆకాశం నీవై... జారిపడే జాబిలివై
మిగిలే ఆలాపన నీవై... తీగ తెగే వీణియవై...

రాలిపోయె పువ్వా నీకు రాగాలెందుకే.. తోటమాలి నీ తోడులేడులే..
వాలిపోయె పొద్దా నీకు వర్ణాలెందుకే... లోకమెన్నడో చీకటాయెలే..

http://www.allbestsongs.com/telugu_songs/play-Telugu-Songs-iphone.php?plist=12458