చిత్రం : లవకుశ (1963)
సంగీతం : ఘంటసాల
గీతరచయిత : కోసరాజు
నేపధ్య గానం : ఘంటసాల
పల్లవి :
ఏ నిమిషానికి ఏమి జరుగునో ఎవరూహించెదరు
ఏ నిమిషానికి ఏమి జరుగునో ఎవరూహించెదరు
విధి విధానమును తప్పించుటకై ఎవరు సాహసించెదరు
ఓ...ఏ నిమిషానికి ఏమి జరుగునో ఎవరూహించెదరు
చరణం 1:
కంచె నిజముగ చేను మేసినా కాదను వారెవరు
రాజే ఇది శాసనమని పల్కినా ప్రతిఘటించు వారెవరు
ఏ నిమిషానికి ఏమి జరుగునో ఎవరూహించెదరు
కరుణామయురిది కాదనలేరా కఠిన కార్యమనబోరా
సాథ్వులకెపుడు వెతలేనా తీరని ధుఃఖపు కథలేనా
ఏ నిమిషానికి ఏమి జరుగునో ఎవరూహించెదరు
చరణం 2 :
ఇనకులమున జనియించిన నృపధులు ఈ దారుణము సహించెదరా
వినువీధిని శ్రేణులుగా నిల్చి విడ్డూరముగా చూచెదరా
ఏ నిమిషానికి ఏమి జరుగునో ఎవరూహించెదరు
ఎండకన్ను ఎరుగని ఇల్లాలికి ఎందుకో ఈ వనవాసాలు
తరచి చూచినా బోధపడవులే దైవ చిద్విలాసాలు
ఏ నిమిషానికి ఏమి జరుగునో ఎవరూహించెదరు
అగ్నిపరీక్షకే నిల్చిన సాథ్విని అనుమానించుట న్యాయమా??
అల్పుని మాటయే జనవాక్యమ్మని అల్పుని మాటయే జనవాక్యమ్మని
అనుసరించుటే ధర్మమా??
ఏ నిమిషానికి ఏమి జరుగునో ఎవరూహించెదరు
విధి విధానమును తప్పించుటకై ఎవరు సాహసించెదరు
ఏ నిమిషానికి ఏమి జరుగునో ఎవరూహించెదరు... ఎవరూహించెదరు
No comments:
Post a Comment