ఓహో ఓహో పావురమా

చిత్రం :  మంచి మనసులు (1962)
సంగీతం :  కె.వి. మహదేవన్
గీతరచయిత :  ఆచార్య ఆత్రేయ
నేపధ్య గానం :  జానకి 

పల్లవి :

ఓహో ఓహో...
ఓహో ఓహో పావురమా... వయ్యారి పావురమా
ఓహో ఓహో పావురమా... వయ్యారి పావురమా

మావారి అందాలు నీవైన తెలుపుమా
మావారి అందాలు నీవైన తెలుపుమా

ఓహో ఓహో పావురమా... వయ్యారి పావురమా

చరణం 1 :

మనసు మధురమైనది మమతలు నిండినది
సొగసు నేనెరుగనిది చూడాలని ఉన్నది
మనసు మధురమైనది మమతలు నిండినది
సొగసు నేనెరుగనిది చూడాలని ఉన్నది

అరువుగ నీ కనులు కరుణతో ఇవ్వగలవా?
అరువుగ నీ కనులు కరుణతో ఇవ్వగలవా?
కరవుతీర ఒక్కసారి కాంతునమ్మ వారినీ 

ఓహో ఓహో...
ఓహో ఓహో పావురమా... వయ్యారి పావురమా 

చరణం 2 :

వలపు కన్న తీయని పలుకులు వారివి
తలచుకున్న చాలును పులకరించు నా మేను
వలపు కన్న తీయని పలుకులు వారివి
తలచుకున్న చాలును పులకరించు నా మేను

మగసిరి దొరయని మరునికి సరియని
మగసిరి దొరయని మరునికి సరియని
అందరు అందురే...  అంత అందమైనవారా

 

ఓహో ఓహో పావురమా... వయ్యారి పావురమా

చరణం 3 : 

అందరి కన్నులు అయ్యగారి మీదనే
దిష్టి తగలగలదనీ తెలిపిరమ్మ కొందరు
అందరి కన్నులు అయ్యగారి మీదనే
దిష్టి తగలగలదనీ తెలిపిరమ్మ కొందరు

అన్నది నిజమేనా...  అల్లిన కథలేనా
అన్నది నిజమేనా...  అల్లిన కథలేనా
కన్నులున్న నీవైనా...  ఉన్నమాట చెప్పుమా 

ఓహో ఓహో...
ఓహో ఓహో పావురమా... వయ్యారి పావురమా
ఓహో ఓహో పావురమా... వయ్యారి పావురమా

మావారి అందాలు నీవైన తెలుపుమా
మావారి అందాలు నీవైన తెలుపుమా

ఓహో ఓహో పావురమా... వయ్యారి పావురమా