చిత్రం : మంచిమనిషి (1964)
సంగీతం : ఎస్. రాజేశ్వరరావు/టి. చలపతి రావు
గీతరచయిత : శ్రీశ్రీ
నేపథ్య గానం : ఘంటసాల, సుశీల
పల్లవి :
రాననుకున్నావేమో... ఇక రాననుకున్నావేమో
ఆడినమాటకు నిలిచేవాడను కాననుకున్నావేమో... ఏమో
ఏమనుకున్నారేమో..తమరేమనుకున్నారేమో
మీచేతులలో కీలుబొమ్మలం మేమనుకున్నారేమో... ఏమో
చరణం 1 :
చక్కని కన్యవు ముక్కున కోపం నీకేలా... నీకేలా
చల్లగాలిలో ఆటలాడగా రావేలా... రావేలా
పిలిచిన వెంటనె పరుగున చెంతకు చేరాలా... చేరాలా
వలచివచ్చి నే చులకనైతిగా ఈవేళా... ఈవేళా
ఏమనుకున్నారేమో... తమరేమనుకున్నారేమో
మీచేతులలో కీలుబొమ్మలం మేమనుకున్నారేమో... ఏమో
చరణం 2 :
దొరగారేదో తొందరపనిలో మునిగారా... మునిగారా
అందుచేతనే అయినవారినే మరిచారా... మరిచారా
నిజమే తెలియక నిందలు వేయకు నామీదా... నామీదా
మాటవిసురులు మూతివిరుపులు మరియాదా... మరియాదా
రాననుకున్నావేమో... ఇక రాననుకున్నావేమో
ఆడినమాటకు నిలిచేవాడను కాననుకున్నావేమో... ఏమో
చరణం 3 :
క్షణమే యుగమై మనసే శిలయై నిలిచానే... నిలిచానే
నిన్ను చూడగా యుగమె క్షణముగా గడచేనే... గడచేనే
ఎడబాటన్నది ఇకపై లేదని అందామా... అందామా
ఈడుజోడుగా తోడునీడగా ఉందామా... ఉందామా
ఆ . . . ఆ . . ఓ . . .ఓ . . .
http://www.allbestsongs.com/telugu_songs/play-Telugu-Songs-iphone.php?plist=572
No comments:
Post a Comment