కన్నెపిల్లలం కాని నీకు తల్లులం

చిత్రం : చెప్పింది చేస్తా (1978)
సంగీతం :  సత్యం
గీతరచయిత : రాజశ్రీ
నేపథ్య గానం : సుశీల, జానకి 

పల్లవి : 

కన్నెపిల్లలం కాని నీకు తల్లులం
గోలచెయ్యకు నీకు జోలపాడుతాం
ళోళోళో హాయి హాయి... ళోళోళో హాయి హాయి

చరణం 1 :

ఉయ్యాలే లేదురా నీకు ఇచ్చట 
ఈ తువ్వాలే తీర్చేను ముద్దుముచ్చట
అరెరె.. ఉగ్గుపాలులేవని ఏమనుకోకు 
నీ బుగ్గలు కందేలాగ నువ్వేడవకు

మంచిబాబు నువ్వు మల్లెలాగ నవ్వు
మంచిబాబు నువ్వు మల్లెలాగ నవ్వు
నవ్వులలో వెలుగులను వెదజల్లాలి

కన్నెపిల్లలం కాని నీకు తల్లులం
గోలచెయ్యకు నీకు జోలపాడుతాం
ళోళోళో హాయిహాయి ళోళోళో హాయిహాయి

చరణం 2 :

ఏనాటి బంధమో ఈ అనుబంధం 
ఇది ఎందాక పోతుందో మన సంబంధం
అయ్యె గుట్టుగా తెచ్చాము నిన్నిక్కడికి   
రచ్చచేసి పంపకురా మమ్ము బయటికి

చిన్నివాడివైన చేతులెత్తి నీకు
చిన్నివాడివైన చేతులెత్తి నీకు
మొక్కుతాము దయచేసి గుక్కపట్టకు

కన్నెపిల్లలం కాని నీకు తల్లులం
గోలచెయ్యకు నీకు జోలపాడుతాం
ళోళోళో హాయి హాయి ళోళోళో హాయి