ఒక మనసు పాడితే

చిత్రం : మోహన రాగం (1979)
సంగీతం :  మాస్టర్ వేణు
గీతరచయిత : సినారె
నేపథ్య గానం : సుశీల 

పల్లవి : 

ఒక మనసు పాడితే మోహనరాగం
రెండు హృదయాలు కూడితే జీవనరాగం
ఒక మనసు పాడితే...  

చరణం 1 :

గగనాన సాగినప్పుడే జాబిల్లికి అందం
సిగలోనా చేరినప్పుడే సిరిమల్లెకి అందం
తగిన జత ఉన్నప్పుడే తరుణి వయసుకు అందం

ఒక మనసు పాడితే మోహనరాగం
రెండు హృదయాలు కూడితే జీవనరాగం
ఒక మనసు పాడితే...  

చరణం 2 :

నీలిమబ్బు కురవాలన్నా చలిగాలి తాకాలి
ఏ వీణ పలకాలన్నా కొనగోట మీటాలి
కలలేవి పండాలన్నా వలచే కనులు కావాలి

ఒక మనసు పాడితే మోహనరాగం
రెండు హృదయాలు కూడితే జీవనరాగం
ఒక మనసు పాడితే..

చరణం 3 :

మదిలోని కోరికలన్నీ పదముల పలికెనులే
అనురాగదీపికలన్నీ స్వరములై వెలిగెనులే
నీ బంగరు అడుగుల కోసం నా ముంగిలి వేచెనులే

ఒక మనసు పాడితే మోహనరాగం
రెండు హృదయాలు కూడితే జీవనరాగం
ఒక మనసు పాడితే..

https://kuteeram.com/telugu_songs/play-Telugu-Songs-iphone.php?plist=7573