కలువపూల చెంత చేరి

చిత్రం : ఏకవీర (1969)
సంగీతం : కె.వి. మహదేవన్
గీతరచయిత : సినారె
నేపథ్య గానం : బాలు 

పల్లవి : 

కలువపూల చెంత చేరి కైమోడుపు సేతును

నా కలికి మిన్న కన్నులలో కలకలమని విరియాలని

మబ్బులతో ఒక్కమారు మనవి చేసికొందును

నా అంగన ఫాలాంగణమున ముంగురులై కదలాలని

చుక్కలతో ఒక్కసారి సూచింతును
నా ప్రేయసి నల్లని వాల్జడ సందుల మల్లియలై మొలవాలని
పూర్ణ సుధాకర బింబమ్మునకు వినతి సేతును
నా పొలతికి ముఖబింబమై కళలు దిద్దుకోవాలని

ప్రకృతి ముందు చేతులెత్తి ప్రార్థింతును కడసారిగా...
నా రమణికి బదులుగ ఆకారం ధరియించాలని

https://kuteeram.com/telugu_songs/play-Telugu-Songs-iphone.php?plist=18041