కాలాల ఎనకాల ఒక ఎంకి

చిత్రం :  ఊహా సుందరి (1984)
సంగీతం :  చక్రవర్తి
గీతరచయిత :  వేటూరి 
నేపథ్య గానం : బాలు

పల్లవి : 

కాలాల ఎనకాల ఒక ఎంకి ఉండేదట
ఆ ఎంకి నండూరి పాటల్లో మిగిలిందట
అది ఏ జాణు తెలుగో... అది ఏ జాణపదమో
ఆ ఎంకి మనసులో ఎన్నెన్ని ఊసులో
కడకంట ఎన్నెన్ని బాసలో...  

కాలాల ఎనకాల ఒక ఎంకి ఉండేదట

చరణం 1 : 

ఆ ఎంకి ఒకనాడు నా వంక చూసింది
ఆ చూపుతో వేగు చుక్కేదో పొడిచింది
అది కలలాగ ఎదిగి... నా కన్నీట కరిగి
నా ఆశ ఆకాశమై... ఆగిపోయింది
నా ఎంకి తెల్లారి ఎన్నెలైపోయింది

ఎదలోని ఆ ఎంకి ఎదురైన వేళ
పదమేది పాడెది ఈ వేళ

కాలాల ఎనకాల ఒక ఎంకి ఉండేదట
ఆ ఎంకి నండూరి పాటల్లో మిగిలిందట

చరణం 2 : 

తెలుగింటిలో ప్రేమ దీపాలు పెట్టింది
ఎనుగారిపోయాక ఎదచూసుకోమంది
అది నా గుండెనమిలి... నా మనసంత నలిగి
తెలుగోళ్ళకొక పాటగా... ఎంకి మిగిలింది
పాడలేని నాకు పల్లవైపోయింది

ఎదలోని ఆ ఎంకి ఎదురైన వేళ
పదమేది పాడెది ఈ వేళ

కాలాల ఎనకాల ఒక ఎంకి ఉండేదట
ఆ ఎంకి నండూరి పాటల్లో మిగిలిందట
అది ఏ జాణు తెలుగో... అది ఏ జాణపదమో
ఆ ఎంకి మనసులో ఎన్నెన్ని ఊసులో
కడకంట ఎన్నెన్ని బాసలో... 

కాలాల ఎనకాల ఒక ఎంకి ఉండేదట

అధరం ఎంత మధురం

చిత్రం :  ఊహా సుందరి (1984)
సంగీతం :  చక్రవర్తి
గీతరచయిత :  వేటూరి 
నేపథ్య గానం : జయచంద్రన్

పల్లవి : 

అధరం ఎంత మధురం... అందం ఎంత సుందరం
నీ రూపే మనోహరం... నీ రూపే మనోహరం
నీ చూపే స్వయంవరం... నీ చూపే స్వయంవరం
నీవే... నీవే... నాకో వరం 
అధరం ఎంత మధురం... అందం ఎంత సుందరం 


చరణం 1 : 

చందన కలశం నీ వదనం... చంద్రుని కిరణం నీ నయనం
చందన కలశం నీ వదనం... చంద్రుని కిరణం నీ నయనం
మనసే మలయజపవనం.. నీ వయసే మరునికి జవనం
నీ స్మరణే నా జీవనం... నీ స్మరణే నా జీవనం
నీ పలుకే సమ్మోహనం...
నీవే... నీవే... ఆలాపనం

అధరం ఎంత మధురం... అందం ఎంత సుందరం

చరణం 2 : 

తారలు కొలిచే సౌందర్యం... తన్మయమే నా సంగీతం
తారలు కొలిచే సౌందర్యం... తన్మయమే నా సంగీతం
పదమే అందని గగనం.. నీ పిలుపే జన్మకు జననం
నీ వలపే... సురచుంబనం
నీ వలపే... సురచుంబనం
మది కలిపే రసబంధనం...
నీవే... నీవే... నా స్పందనం

అధరం ఎంత మధురం... అందం ఎంత సుందరం
నీ రూపే మనోహరం... నీ రూపే మనోహరం
నీ చూపే స్వయంవరం... నీ చూపే స్వయంవరం
నీవే... నీవే... నాకో వరం 
అధరం ఎంత మధురం... 

జళ్ళో సంపంగి పువ్వు

చిత్రం :  ఊహా సుందరి (1984)

సంగీతం :  చక్రవర్తి

గీతరచయిత :  వేటూరి 

నేపథ్య గానం : బాలు, సుశీల 

పల్లవి : 

జళ్ళో సంపంగి పువ్వు ఒళ్ళో సందేళ నువ్వు

జళ్ళో సంపంగి పువ్వు ఒళ్ళో సందేళ నువ్వు

సాయంత్రాల చలి మంత్రాలు చదివెయ్యాలి సందిట్లో

చెలి అందాల  తొలిలంచాలు అడిగెయ్యాలి సందట్లో  

జళ్ళో సంపంగి పువ్వు ఒళ్ళో సందేళ నువ్వు

జళ్ళో సంపంగి పువ్వు ఒళ్ళో సందేళ నువ్వు

పరికీణీల కుచ్చిలన్నీ పరిచెయ్యాలి పందిట్లో

అరవోణీల చిరుబోణీలు అందించాలి ఎన్నెట్లో 

చరణం 1 : 

సిగ్గనడం బుగ్గలవంతు... ముద్దనడం పెదవుల వంతు

ముద్దులతో బుగ్గల పెళ్ళికి... ముహూర్తాలు ఇప్పటి తంతు

ఆకాశం దాటుతున్నవి ఆశలిప్పుడు... ఉరుములుగా మోగుతున్నవి ఊహలిప్పుడు

గుండెల్లోని గుసగుసలన్నీ దాచెయ్యాలి గుప్పెట్లో

జళ్ళో సంపంగి పువ్వు ఒళ్ళో సందేళ నువ్వు

జళ్ళో సంపంగి పువ్వు ఒళ్ళో సందేళ నువ్వు

పరికీణీల కుచ్చిలన్నీ పరిచెయ్యాలి పందిట్లో

అరవోణీల చిరుబోణీలు అందించాలి ఎన్నెట్లో 

చరణం 2 : 

కోరికలే కోమలి వంతు... వేడుకలే వెన్నెల వంతు

కాటుకలే కన్నుల వంతు... అందించడమే కన్నెల వంతు

సావాసం ముదురుతున్నది సందెలప్పుడు

సంసారం కోరుతున్నది సరసమెప్పుడు

ముచ్చట్లన్నీ తీరేదాక మురిపాలన్నీ నిదట్లో

జళ్ళో సంపంగి పువ్వు ఒళ్ళో సందేళ నువ్వు

జళ్ళో సంపంగి పువ్వు ఒళ్ళో సందేళ నువ్వు

పరికీణీల కుచ్చిలన్నీ పరిచెయ్యాలి పందిట్లో

అరవోణీల చిరుబోణీలు అందించాలి ఎన్నెట్లో 

జళ్ళో సంపంగి పువ్వు ఒళ్ళో సందేళ నువ్వు

జళ్ళో సంపంగి పువ్వు ఒళ్ళో సందేళ నువ్వు

సాయంత్రాల చలి మంత్రాలు చదివెయ్యాలి సందిట్లో

చెలి అందాల  తొలిలంచాలు అడిగెయ్యాలి సందట్లో 

ఊహా సుందరీ... ఊహా సుందరీ

చిత్రం :  ఊహా సుందరి (1984)

సంగీతం :  చక్రవర్తి

గీతరచయిత :  వేటూరి 

నేపథ్య గానం : బాలు 

పల్లవి : 

ఊహా సుందరీ... ఊహా సుందరీ

ఊహా సుందరీ... ఊహా సుందరీ

కలవో తీపికలవో.. రేపినావే అల్లరి

ఊహా సుందరీ... ఊహా సుందరీ

చరణం 1 : 

నీలో ఉన్న యవ్వనాలు నవ్వుతుంటే... 

నాలో ముద్దమందారాల జల్లు కురిసే...

నీలో ఉన్న శృంగారాలు ఝల్లుమంటే...

నాలో ఉన్న కౌగిల్లెన్నో కళ్ళుతెరచే...

ఒకసారి కలిగించు ఆ దర్శనాలు...

ఆదర్శ సౌందర్య సందర్శనాలు...

కన్నెపాప... నా కన్నుపాప

నిను కలవరించెనే ప్రతిరాత్రి

ఊహా సుందరీ... ఊహా సుందరీ

చరణం 2 : 

నిన్ను చూసి చూడనట్టు నేనుంటే...

రెప్పలున్న కంటికేమో తిప్పలాయే...

అంటీ అంటనట్టు నిన్ను అంటుకుంటే...

చీకటంతా తెల్లబోయి వెన్నెలాయే...

నీ అందమే నాకు అరుణోదయాలు...

నా దేవి నిదురించు దేవాలయాలు...

జాజి రావే... సన్నజాజి రావే

నా కలత తీర్చవే ఒకసారి

ఊహా సుందరీ... ఊహా సుందరీ

కలవో తీపికలవో... రేపినావే అల్లరి

ఊహా సుందరీ... ఊహా సుందరీ

లాలాలాలలా... లాలాలాలలా