వీణలేని తీగను

చిత్రం: చక్రవాకం (1974)
సంగీతం: కె.వి. మహదేవన్
గీతరచయిత: ఆచార్య ఆత్రేయ
నేపధ్య గానం: రామకృష్ణ, సుశీల

పల్లవి:

వీణలేని తీగను నీవులేని బ్రతుకును
మోస్తూ జీవించలేను .. ముగిసిందని మరణించలేను

వీణలేని తీగను నీవులేని బ్రతుకును
మోస్తూ జీవించలేను .. ముగిసిందని మరణించలేను
జీవించలేను... మరణించలేను...

చరణం 1:

మనసు నిన్నే వలచింది నన్ను విడిచి వెళ్లింది
నిన్ను మరచి రమ్మంటే వీలుకాదు పొమ్మంది
మరువలేని మనసుకన్నా నరకమేముంది
ఆ నరకమందే బ్రతకమని ..నా నొసట నువ్వే రాసింది

చరణం 2:

వీణకేమి తీగ తెగితే మార్చుకుంటుంది
తెగిన తీగకు వీణ ఎక్కడ దొరకబోతుంది
తీగ మారినా కొత్త రాగం పలకనంటుంది
పాత స్మృతులే మాసిపోక బాధపడుతుంది
జీవించలేను... మరణించలేను...

చరణం 3:

బండబారిన గుండె నాది .. పగిలిపోదు చెదిరిపోదు
నువ్వు పేర్చిన ప్రేమ చితిలో .. కాలిపోదు బూదికాదు
నిన్ను కలిసే ఆశలేదు..
నిజం తెలిసే దారిలేదు..
చివరికి నీ జీవితానికి చిటికెడంత విషం లేదు
జీవించలేను... మరణించలేను..