మీటి చూడు నీ హృదయాన్ని

చిత్రం: చీకటి వెలుగులు (1975) 
సంగీతం: చక్రవర్తి 
గీతరచయిత: సినారె 
నేపధ్య గానం: సుశీల 


పల్లవి : 


మీటి చూడు నీ హృదయాన్ని.. పలుకుతుంది ఒక రాగం 
మీటి చూడు నీ హృదయాన్ని .. పలుకుతుంది ఒక రాగం 
తరచి చూడు నీ గతాన్ని మెదులుతుంది ఒక రూపం 
ఆ రూపం ఎవ్వరిదో ..ఆ రాగం ఎక్కడిదో... 
తెలుసుకుంటే చాలును... నీ కలత తీరిపోవును 


చరణం 1: 


పూడిపోయిన గొంతులా... ఓడిపోయిన గుండెలా 
పూడిపోయిన గొంతులా... ఓడిపోయిన గుండెలా 
నీలో... ఊపిరాడక ఉన్నదీ ... 
హృదయమే అర్పించుకున్నదీ ...హృదయమే అర్పించుకున్నదీ ... 

ఆ రూపం ఎవ్వరిదో ..ఆ రాగం ఎక్కడిదో ... 
తెలుసుకుంటే చాలును.. నీ కలత తీరిపోవును 


చరణం 2: 

పువ్వులోని పిందెలా... పిందెలోని తీపిలా 
పువ్వులోని పిందెలా ...పిందెలోని తీపిలా 
నీలో ..లీనమైనది... కానరానిదీ.. 
నీ పదము తానై మూగపోయినదీ ...మూగపోయినదీ ... 

ఆ రూపం ఎవ్వరిదో ..ఆ రాగం ఎక్కడిదో ... 
తెలుసుకుంటే చాలును.. నీ కలత తీరిపోవును 


చరణం 3: 

మనసు మూలలు వెతికి చూడూ ...మరుగు పొరలను తీసి చూడూ... 
మనసు మూలలు వెతికి చూడూ ...మరుగు పొరలను తీసి చూడూ 
ఏదో ...మబ్బుమూసి ..మసక కమ్మి 
మమత మాయక ఉన్నది ...నీ మనిషి తాననుకున్నదీ ... 

మీటి చూడు నీ హృదయాన్ని..పలుకుతుంది ఒక రాగం 
తరచిచూడు నీ గతాన్ని ...మెదులుతుంది ఒక రూపం 
ఆ రూపం ఎవ్వరిదో ..ఆ రాగం ఎక్కడిదో ... 
తెలుసుకుంటే చాలును.. నీ కలత తీరిపోవును




http://www.allbestsongs.com/telugu_songs/play-Telugu-Songs-iphone.php?plist=3085