చిత్రం: ప్రేమించుకుందాం.. రా (1997)
సంగీతం: మహేష్
గీతరచయిత: భువనచంద్ర
నేపధ్య గానం: బాలు
పల్లవి:
సూర్యకిరీటమే నీవా.. చంద్ర సుమానివే నీవా
మౌన సరస్సున దాగిన హిమ శంఖానివో
తొలకరి మేఘ ఛాయలో మెరిసిన తారవో
వాత్సాయన వన వాసినీ.. కావేరీ
సూర్యకిరీటమే నీవా.. చంద్రసుమానివే నీవా
చరణం 1:
పెదవి తాకి స్వాతిముత్యం పగడమయ్యిందా
తనువు తాకి శ్వేతపుష్పం అరుణమయ్యిందా
నీ ఒడి మన్మధ యాగ సీమా..
నీ సరి ఎవ్వరు లేరే భామా...
నీతోనే పుట్టింది ప్రేమా...
కన్నె శకుంతలే నీవా.. కావ్య సుమానివే నీవా
చల్లని వెన్నెల హాయిని వివరించేదెలా
వెచ్చని ఊహల వీణని వినిపించేదెలా
వాత్సాయన వన వాసినీ.. కావేరీ...
సూర్యకిరీటమే నీవా.. చంద్రసుమానివే నీవా...
చరణం 2:
ఆ.. ఆ.. ఆ..
ఆ.. ఆ.. ఆ...
ఆ.. ఆ.. ఆ....
సొగసుభారమోపలేక నడుము చిక్కిందా...
జాలిగొన్న జాణతనమే జఘనమయ్యిందా...
తుమ్మెద ఎరుగని తేనె పువ్వా..
సౌందర్యానికి తావి నువ్వా..
ప్రియమార దరిచేర రావా...
సూర్యకిరీటమే నీవా.. చంద్రసుమానివే నీవా
మౌన సరస్సున దాగిన హిమ శంఖానివో
తొలకరి మేఘ ఛాయలో మెరిసిన తారవో
వాత్సాయన వన వాసినీ.. కావేరీ...
No comments:
Post a Comment