చిత్రం: మంచిమనిషి (1964)
సంగీతం: ఎస్. రాజేశ్వరరావు/టి. చలపతిరావు
గీతరచయిత: కొసరాజు
నేపధ్య గానం: ఘంటసాల
పల్లవి:
ఏమండి... ఏమండోయ్...
ఏమండి... ఇటు చూడండి
ఒక్కసారి ఇటు చూశారంటే... మీ సొమ్మేది పోదండి
ఏమండి... ఇటు చూడండి... ఏమండోయ్...
చరణం 1:
సిగలోన దాగిన మల్లెమొగ్గకు... బిగువెందుకో చెప్పాలండి
వరసైన వన్నెల రామచిల్కకు... పొగరు కాస్త తగ్గాలండి
మన స్నేహం మోమాటం... పొడిమాటలతోనే పోదండి
ఏమండి... ఇటు చూడండి...
ఒక్కసారి ఇటు చూశారంటే... మీ సొమ్మేది పోదండి...
ఏమండోయ్...
చరణం 2:
మనసంత మాపై ఉందిలేండి... తెలుసు లేండి మీ తాపం
మొగమంత కన్నులు చేయకండి... దాచుకొండి మీ కోపం
మనసంత మాపై ఉందిలేండి... తెలుసు లేండి మీ తాపం
మొగమంత కన్నులు చేయకండి... దాచుకొండి మీ కోపం
వగలెందుకు... సెగలెందుకు... ఈ సారికి ఏదో పోనీండి
ఏమండి... ఇటు చూడండి... ఏమండోయ్...
చరణం 3:
మిము నమ్ముకున్న నేస్తగాడు... మీ వెంటనె ఉన్నాడండి
ఏనాటికి ముమ్మాటికి... తన మనసే మీదన్నాడండి
కవ్వించక కథపెంచక... అవునంటే అంతే చాలండి
ఏమండి ఇటు చూడండి... ఒక్కసారి ఇటు చూశారంటే
మీ సొమ్మేది పోదండి... ఏమండోయ్
No comments:
Post a Comment