మనసులేని దేవుడు

చిత్రం :  ప్రేమలు పెళ్ళిళ్ళు (1974)
సంగీతం :  ఎం.ఎస్. విశ్వనాథన్
గీతరచయిత :  ఆత్రేయ
నేపధ్య గానం :  రామకృష్ణ, సుశీల

పల్లవి :

మనసులేని దేవుడు.. మనిషి కెందుకో మనసిచ్చాడు
మనసులేని దేవుడు.. మనిషి కెందుకో మనసిచ్చాడు
మనసు మనసును వంచన చేస్తే... కనులకెందుకో నీరిచ్చాడు..
కనులకెందుకో నీరిచ్చాడు
మనసులేని దేవుడు... మనిషి కెందుకో మనసిచ్చాడు

చరణం 1 :

మనిషికీ.. దైవానికీ ఏనాటి నుంచో వైరము
మనిషికీ.. దైవానికీ ఏనాటి నుంచో వైరము
వీడి కోరిక వాడు తీర్చడు... వాడి దారికి వీడు వెళ్లడు....
వాడి దారికి వీడు వెళ్లడు

మనసులేని దేవుడు... మనిషి కెందుకో మనసిచ్చాడు

చరణం 2 :

ప్రేమనేది ఉన్నదా.. అది మానవులకే ఉన్నదా ?
ప్రేమనేది ఉన్నదా ?..  అది మానవులకే ఉన్నదా ?
హృదయముంటే తప్పదా.. అది బ్రతుకు కన్నా గొప్పదా..
అది బ్రతుకు కన్నా గొప్పదా......

మనసులేని దేవుడు ... మనిషి కెందుకో మనసిచ్చాడు

చరణం 3 :

ఏమిటో ఈ ప్రేమ తత్వం ?...  ఎక్కడుందో మానవత్వం
ఏమిటో ఈ ప్రేమ తత్వం?... ఎక్కడుందో మానవత్వం
ఏది సత్యం.. ఏది నిత్యం..  ఏది సత్యం.. ఏది నిత్యం
చివరికంతా శూన్యం.. శూన్యం..
చివరికంతా శూన్యం.. శూన్యం....

మనసులేని దేవుడు.. మనిషి కెందుకో మనసిచ్చాడు
మనసు మనసును వంచన చేస్తే... కనులకెందుకో నీరిచ్చాడు
కనులకెందుకో నీరిచ్చాడు ... కనులకెందుకో నీరిచ్చాడు

http://www.allbestsongs.com/telugu_songs/play-Telugu-Songs-iphone.php?plist=1269