నీవైన చెప్పవే ఓ మురళీ

చిత్రం :  శ్రీ కృష్ణాంజనేయ యుద్ధం (1972)
సంగీతం : టి. వి. రాజు
గీతరచయిత : సినారె
నేపధ్య గానం : ఘంటసాల, సుశీల

పల్లవి : 

నీవైన చెప్పవే ఓ మురళీ..
ఇక నీవైన చెప్పవే ప్రియమురళీ.. నీవైన చెప్పవే ఓ మురళీ
అడుగడుగున నా ప్రియభామినికి.. అలుక ఎందుకని.. ఎందుకని
నీవైన చెప్పవే ఓ మురళీ 

నీవైన చెప్పవే జాబిలీ..
ఇక నీవైన చెప్పవే ఓ జాబిలీ..  నీవైన చెప్పవే జాబిలీ
తలబంతి ఎవరో.. పదదాసి ఎవరో
తెలుసుకొమ్మనీ.. పిదప రమ్మనీ.. నీవైన చెప్పవే జాబిలీ

చరణం 1 :

అలుకలోన నా చెలియ వదనము.. అరుణ కమలమై విరిసెననీ
అలుకలోన నా చెలియ వదనము.. అరుణ కమలమై విరిసెననీ
ఆ కమలములోని తేనియలానగ.. కమలములోని తేనియలానగ
నామది భ్రమరమై ఎగసెననీ.. నీవైన చెప్పవే ఓ మురళీ 

చరణం 2 :

కోటిపూలతో కులుకు తుమ్మెదకు.. ఈ తోటలో చొటులేదనీ
కోటిపూలతో కులుకు తుమ్మెదకు.. ఈ తోటలో చొటులేదనీ
మనసెరిగిన సత్యా విధేయునికే.. మనసెరిగిన సత్యా విధేయునికే
అనురాగ మధువు అందుననీ.. నీవైన చెప్పవే జాబిలీ

ఇక నీవైన చెప్పవే ఓ జాబిలీ.. నీవైన చెప్పవే జాబిలీ