ముద్దుల మా బాబు

చిత్రం : జీవన జ్యోతి (1975)
సంగీతం : కె.వి. మహదేవన్
గీతరచయిత : సినారె
నేపథ్య గానం : సుశీల 

పల్లవి : 

ముద్దుల మా బాబు నిద్దరోతున్నాడు...
సద్దు చేశారంటె వులికులికి పడతాడు..  

నా పాపకు నే పాడే లాలిపాట... ఈ లోకాలకన్నిటికి జోలపాట... జుజుజుజుజు..జుజుజుజుజు.. జుజుజుజుజు..జుజుజుజుజు.. 

చరణం 1 :

ఎదురుగా ఉన్నాను నేను... ఇంకెవరినో కాదూ మీ అమ్మను
ఎదురుగా ఉన్నాను నేను... ఇంకెవరినో కాదూ మీ అమ్మను

నువ్వు రోజుకొక్క ఏడూ పెరగాలని....
నీ ముద్దూ మురిపాలు చూడాలని...
కలవరించిపోయే నీ తల్లిని నేనూ...
కలవరించిపోయే నీ తల్లిని నేనూ...
ఆ కలలలోనే బ్రతుకుతున్న తల్లిని నేనూ.. పిచ్చితల్లిని నేనూ

జుజుజుజుజు..జుజుజుజుజు.. జుజుజుజుజు..జుజుజుజుజు.. 

చరణం 2 :

ఏ వేళ ఈ తనువు రాలిపోవునో... ఏ గాలికి ఈ దీపం ఆరిపోవునో...
ఏ వేళ ఈ తనువు రాలిపోవునో... ఏ గాలికి ఈ దీపం ఆరిపోవునో...

ఈ తనువులో కొన ఊపిరి ఉన్నప్పుడే...
నువు తనివి తీర 'అమ్మా...అమ్మా  ' అని అన్నప్పుడే

ఇన్నాళ్ళ ఆశలన్నీ పండేనులే...
ఇన్నాళ్ళ ఆశలన్నీ పండేనులే...
ఈ జన్మకు నూరేళ్ళు నిండేనులే...

జుజుజుజుజు..జుజుజుజుజు.. జుజుజుజుజు..జుజుజుజుజు.. 

http://www.kuteeram.com/telugu_songs/play-Telugu-Songs-iphone.php?plist=6657