ఒక మనసుకు నేడే పుట్టినరోజు

చిత్రం :  అల్లరి ప్రియుడు  (1993)
సంగీతం :   కీరవాణి
గీతరచయిత :  సిరివెన్నెల
నేపథ్య గానం :  బాలు, చిత్ర   

పల్లవి : 

అహో..ఓ..ఒక మనసుకు నేడే పుట్టినరోజు
అహో..ఓ..తన పల్లవి పాడే చల్లని రోజు
ఇదే..ఇదే..కుహు స్వరాల కానుక
మరో వసంత గీతిక...  జనించు రోజు

అహో..ఓ..ఒక మనసుకు నేడే పుట్టినరోజు
అహో..ఓ..తన పల్లవి పాడే చల్లని రోజు  

చరణం 1 :

మాట పలుకు తెలియనిది...  మాటున ఉండే మూగ మది
కమ్మని తలపుల కావ్యమయి...  కవితలు రాసే మౌనమది..ఈ.. ఈ.. ఈ

రాగల రోజుల ఊహలకి... స్వాగతమిచ్చే రాగమది
 శ్రుతిలయలెరుగని ఊపిరికి స్వరములు కూర్చే గానమది..ఈ.. ఈ.. ఈ

ఋతువుల రంగులు మార్చేది...  కల్పన కలిగిన మది భావం
బ్రతుకును పాటగ మలిచేది...  మనసున కదిలిన మృదునాదం

కలవని దిక్కులు కలిపేది...  నింగిని నేలకి దింపేది
అదే కదా వారధి క్షణాలకే సారధి...  మనస్సనేది

అహో..ఓ..ఒక మనసుకు నేడే పుట్టినరోజు
అహో..ఓ..తన పల్లవి పాడే చల్లని రోజు

చరణం 2 : 

చూపులకెన్నడు దొరకనిది...  రంగురూపు లేని మది
రెప్పలు తెరవని కన్నులకు...  స్వప్నాలెన్నో చూపినది..ఈ.. ఈ.. ఈ
వెచ్చని చెలిమిని పొందినది...  వెన్నెల తరగల నిండు మది
కాటుక చీకటి రాతిరికి బాటను చూపే నేస్తమది..ఈ.. ఈ.. ఈ

చేతికి అందని జాబిలిలా...  కాంతులు పంచే మణిదీపం
కొమ్మల చాటున కొయిలలా...  కాలం నిలిపే అనురాగం
అడగని వరములు కురిపించి...  అమృత వర్షిణి అనిపించే
అముల్యమైన పెన్నిధి శుభోదయాల సన్నిధి మనస్సనేది

అహో..ఓ..ఒక మనసుకు నేడే పుట్టినరోజు
అహో..ఓ..తన పల్లవి పాడే చల్లని రోజు
ఇదే ఇదే కుహు స్వరాల కానుక
మరో వసంత గీతిక జనించు రోజు