ఈనాడు పాడే ఈపాట

చిత్రం : చెప్పింది చేస్తా (1978)
సంగీతం :  సత్యం
గీతరచయిత : రాజశ్రీ
నేపథ్య గానం : బాలు, సుశీల  

పల్లవి : 

ఈనాడు పాడే ఈపాట నీకు నా కానుక       
అనుకోలేదు ఏనాడు ఈ కలయిక       
మన ఈ కలయిక

ఈనాడు పాడే ఈ పాట నీకు నా కానుక       
అనుకోలేదు ఏనాడు ఈ కలయిక       
మన ఈ కలయిక

చరణం 1 :

నిండుగ నీవు నూరేళ్లు మెలిగి పచ్చగా సాగించు బ్రతుకు       
నిన్నే నమ్మిన నీవారి ఎదలో వెన్నెల పన్నీరు చిలుకు
ఆడినమాట మరువను నేను ఎన్నటికి మారిపోను         
 బాసలనే మరచిపోను... బాసలనే మరచిపోను

ఈనాడు పాడే ఈ పాట నీకు నా కానుక
అనుకోలేదు ఏనాడు ఈ కలయిక
మన ఈ కలయిక

చరణం 2 :

మెలకువలోనే ఎన్నెన్ని కలలో... కలలో బంగారు కథలు       
నాటికి నేటికి ఎనలేని దూరం... ఏమిటి ఈ వింతకాలం
కలలే నిజమై కథలే వరమై చెరగదు ఆనాటి చెలిమి           
తరగదు అనురాగ కలిమి... తరగదు అనురాగ కలిమి

ఈనాడు పాడే ఈ పాట నీకు నా కానుక
అనుకోలేదు ఏనాడు ఈ కలయిక... మన ఈ కలయిక