చిత్రం : ఆడపులి (1984)
సంగీతం : చక్రవర్తి
గీతరచయిత : ఆత్రేయ
నేపథ్య గానం : బాలు, జానకి
పల్లవి :
కల కందామా... లలలలల
నువ్వూ నేనూ... లలలలల
కలిసి కాపురం చేస్తున్నట్టు
కలిసుందామా... లలలలల
నువ్వూ నేనూ... లలలలల
గంగా యమునలు ఒకటైనట్టు
రాగాలలో అనురాగాలలో
రాగాలలో అనురాగాలలో
నీదీ నాదీ నేడూ రేపూ ఓ బాటగా
కల కందామా... నువ్వూ నేనూ
కలిసి కాపురం చేస్తున్నట్టు
చరణం 1 :
పలకరించు నీ చూపులు... అహా
అవి పగలే పొడిచే చుక్కలు
కథలు పలుకు నీ స్నేహము... అహా
నా నుదుట నిలుపు సింధూరము
తేనెలు చిలుకు నీ పలుకే... ప్రేమకే సుగంధం
నీ చిరునవ్వులు నా సిరులే ... నీవు నా వసంతం
నీవే నాకై ఇలలో వెలిగే బృందావనం
కల కందామా... నువ్వూ నేనూ
కలిసి కాపురం చేస్తున్నట్టు
కలిసుందామా... నువ్వూ నేనూ
గంగా యమునలు ఒకటైనట్టు
చరణం 2 :
ప్రేమ అన్నదొక వేదము... అహా
అది అంతము లేని గీతము
జీవితమన్నది పెన్నిధి... ఓహో
అది దొరికె నాకు నీ సన్నిధి
పున్నమి చలువలు నీ ఒడిలో నన్ను ఒదిగిపోనీ
ఊహలకందని కౌగిలిలో ఈ ఊపిరాగిపోనీ
నీలో శ్రుతిగా ఎదలో స్మృతిగా నేనుండనీ
కల కందామా... నువ్వూ నేనూ
కలిసి కాపురం చేస్తున్నట్టు
కలిసుందామా... నువ్వూ నేనూ
గంగా యమునలు ఒకటైనట్టు
No comments:
Post a Comment