చేయి చేయి కలుపరావె

చిత్రం : అప్పు చేసి పప్పు కూడు (1959)
సంగీతం : ఎస్. రాజేశ్వరరావు
గీతరచయిత : పింగళి
నేపధ్య గానం : ఏ. ఏం. రాజా, పి. లీల

పల్లవి :

చేయి చేయి కలుపరావె హాయిహాయిగ
నదురు బెదురు మనకింక లేదులేదుగ

చేయి చేయి కలుపరావె హాయిహాయిగ
నదురు బెదురు మనకింక లేదులేదుగ
అహా... చేయి చేయి

పెద్దవారి అనుమతింక లేదు లేదుగ
చేయి చేయి కలుపుటెల హాయి హాయిగ

పెద్దవారి అనుమతింక లేదు లేదుగ
చేయి చేయి కలుపుటెల హాయి హాయిగ
ఉహూ...  చేయి చేయి 

చరణం 2 : 

మగని మాటకెదురాడుట తగదు తగదుగ
నాతి చెంత విరహము నే తాళలేనుగ

మగని మాటకెదురాడుట తగదు తగదుగ
నాతి చెంత విరహము నే తాళలేనుగ

అహా...  చేయి చేయి

చరణం 2 : 

వీలుకాని విరహమింక వలదు వలదుగ
దాసి మీద వలపు మీకు తగదు తగదుగ

వీలుకాని విరహమింక వలదు వలదుగ
దాసి మీద వలపు మీకు తగదు తగదుగ

అహా...  చేయి చేయి కలుపరావె హాయిహాయిగ
నదురు బెదురు మనకింక లేదులేదుగ

అహా...  చేయి చేయి 

http://www.allbestsongs.com/telugu_songs/play-Telugu-Songs-iphone.php?plist=522

మూగవైన ఏమిలే

చిత్రం : అప్పు చేసి పప్పు కూడు (1959)
సంగీతం : ఎస్. రాజేశ్వరరావు
గీతరచయిత : పింగళి
నేపధ్య గానం :  ఏ. ఏం. రాజా   

పల్లవి :

మూగవైన ఏమిలే... నగుమోమే చాలులే
సైగలింక చాలింపుము జాణతనము తెలిసెనులే
మూగవైన ఏమిలే...

చరణం 1 :

ఆపలేని అనురాగం చూపులలో తొణికెనులే 

ఆపలేని అనురాగం చూపులలో తొణికెనులే

దొంగ మనసు దాగదులే....

దొంగ మనసు దాగదులే.. సంగతెల్ల తెలిపెనులే

మూగవైన ఏమిలే...

చరణం 2 :

పలుకకున్న ఏమాయెను వలపు బాసలింతేలే
పలుకకున్న ఏమాయెను వలపు బాసలింతేలే
నను దయతో ఏలుకొనుమూ...
నను దయతో ఏలుకొమ్ము... కనుసన్నల మెలిగెదలే

మూగవైన ఏమిలే...

చరణం 3 : 

అందాలే బంధాలై నను బంధీ చేసెనులే
అందాలే బంధాలై నను బంధీ చేసెనులే
కలవరమిక ఎందుకులే...
కలవరమిక ఎందుకులే... వలదన్నా వదలనులే

మూగవైన ఏమిలే నగుమోమే చాలులే
సైగలింక చాలింపుము...  జాణతనము తెలిసెనులే
మూగవైన ఏమిలే...

http://www.allbestsongs.com/telugu_songs/play-Telugu-Songs-iphone.php?plist=22

సుందరాంగులను చూసిన వేళల

చిత్రం : అప్పు చేసి పప్పు కూడు (1959)
సంగీతం : ఎస్. రాజేశ్వరరావు
గీతరచయిత : పింగళి
నేపధ్య గానం : ఘంటసాల, పి. లీల, ఏ. ఏం. రాజా   

పల్లవి :

సుందరాంగులను చూచిన వేళల... కొందరు ముచ్చటపడనేలా?
కొందరు పిచ్చనుపడనేలా?
సుందరాంగులను చూచిన వేళల... కొందరు ముచ్చటపడనేలా?
కొందరు పిచ్చనుపడనేలా?

అందము ప్రాయము ఐశ్వర్యముగల సుందరి దొరకుటే అరుదు కదా
అందము ప్రాయము ఐశ్వర్యముగల సుందరి దొరకుటే అరుదు కదా
ముందుగా ఎవరిని వరించునోయని తొందరలో మతి పోవుకదా

సుందరాంగులను చూచిన వేళల... కొందరు పిచ్చనుపడనేలా?
కొందరు ముచ్చటపడనేలా?

హృదయమునందలి ప్రేమగీతమే మధురముగా వినిపించు గదా
హృదయమునందలి ప్రేమగీతమే మధురముగా వినిపించు గదా
మందహాసమున మనసును దెలిపే ఇందువదన కనువిందు కదా

చరణం 1 :

ప్రేమపరీక్షలు జరిగే వేళల...  కొందరు పరవశ పడనేల?
కొందరు కలవరపడనేల?

యువతి చెంత పరపురుషుడు నిలిచిన భావావేశము కలుగు కదా
యువతి చెంత పరపురుషుడు నిలిచిన భావావేశము కలుగు కదా
ప్రేమపందెమును గెలిచేవరకు నామది కలవరపడునుకదా

ప్రేమపరీక్షలు జరిగే వేళల... కొందరు కలవరపడనేల?
కొందరు పరవశ పడనేల?

కోయిలపలుకుల కోమలిగాంచిన.. తియ్యని తలపులు కలుగుగదా
కోయిలపలుకుల కోమలిగాంచిన.. తియ్యని తలపులు కలుగుగదా
వరములొసంగే ప్రేమదేవి గన పరవశమే మది కలుగుకదా

సుందరాంగులను చూసిన వేళల... 

కొందరు ముచ్చటపడనేలా?....
కొందరు పిచ్చనుపడనేలా?

http://www.allbestsongs.com/telugu_songs/play-Telugu-Songs-iphone.php?plist=509