ఒకరి మనసు ఒకరికి

చిత్రం : నిండు సంసారం (1968)
సంగీతం : మాస్టర్ వేణు
గీతరచయిత : దాశరథి
నేపథ్య గానం : సుశీల, ఘంటసాల 

పల్లవి : 

ఒకరి మనసు ఒకరికి ఏనాడో తెలుసులే... తెలుసులే
అణగి ఉన్న ఆశలు ఈనాడు తీరునులే...  

ఒకరి మనసు ఒకరికి ఏనాడో తెలుసులే... తెలుసులే
అణగి ఉన్న ఆశలు ఈనాడు తీరునులే...  

చరణం 1 :

తొందరంత నాదని తొలగి తొలగిపోయావు
నిలకడ మీదైనా నిజం తెలుసుకున్నావు 

ఆరాలు తీరెలే... దూరాలు కరిగెలే
ఇరువురి హృదయాలు తీరాలు చేరెలే

ఒకరి మనసు ఒకరికి ఏనాడో తెలుసులే... తెలుసులే
అణగి ఉన్న ఆశలు ఈనాడు తీరునులే...  

చరణం 2 :

చల్లని చిరుగాలికి అల్లుకున్న తీగలమై...
చల్లని చిరుగాలికి అల్లుకున్న తీగలమై...
కల్లకపటమెరుగక కలిసిపోదాములే

నల్లని నీ కురులలో తెల్లని పూమాలవలే...
చీకటివెలుగులలో ఏకముగా ఉందాము  

ఒకరి మనసు ఒకరికి ఏనాడో తెలుసులే... తెలుసులే
అణగి ఉన్న ఆశలు ఈనాడు తీరునులే...
  

చరణం 3 :

ఇన్నినాళ్ళ నా పరువం నిన్ను చేరుకుందిలే
నీ కన్నుల వెన్నెలలో నిగనిగలాడిందిలే ... 

కన్నులలో పాపలా నిన్ను దాచుకున్నాను
ఎన్నెన్ని జన్మలకు నిన్ను విడువలేనులే

ఒకరి మనసు ఒకరికి ఏనాడో తెలుసులే... తెలుసులే
అణగి ఉన్న ఆశలు ఈనాడు తీరునులే..

http://www.allbestsongs.com/telugu_songs/play-Telugu-Songs-iphone.php?plist=18284

దేవుడున్నాడా

చిత్రం : నిండు సంసారం (1968)
సంగీతం : మాస్టర్ వేణు
గీతరచయిత : ఆరుద్ర
నేపథ్య గానం : సుశీల 

పల్లవి : 

దేవుడున్నాడా... ఉంటే నిదుర పోయాడా?
దారుణాలు చూడలేక... రాయిలాగ మారాడా?
దేవుడున్నాడా .... ఆ ఆ ఆ

చరణం 1 :

మారలేదు చందమామ... మారలేదు సూర్యబింబం..
జగతిలోన మార్పులేదు... ఆ ఆ ఆ ఆ ఆ ఆ
జగతిలోన మార్పులేదు... మనిషి ఏలా మారిపోయె?

దేవుడున్నాడా .... ఆ ఆ ఆ

చరణం 2 :

లోకాన బాధలన్నీ మా కొరకే ఏకమాయె
లోకాన బాధలన్నీ మా కొరకే ఏకమాయె
కష్టాలు మమ్ము చూసి... ఆ ఆ ఆ ఆ ఆ ఆ
కష్టాలు మమ్ము చూసి... పండుగలే చేసుకున్నాయి

దేవుడున్నాడా .... ఆ ఆ ఆ

చరణం 3 :

నీతికేమి ఫలితంలేదు... స్వార్థానికి విజయం నేడు
కనరాదు ఆశాకిరణం... ఆ ఆ ఆ ఆ ఆ
కనరాదు ఆశాకిరణం... వలదింక పాడులోకం

దేవుడున్నాడా .... ఆ ఆ ఆ

నా కన్నులు నీకో కథ చెప్పాలి

చిత్రం : నిండు సంసారం (1968)
సంగీతం : మాస్టర్ వేణు
గీతరచయిత : ఆరుద్ర
నేపథ్య గానం : సుశీల, ఘంటసాల 

పల్లవి : 

నా కన్నులు నీకో కథ చెప్పాలి... కన్ను తెరు... కన్ను తెరు
నా కన్నెవలపులో అమృతముంది... చవి చూడూ... చవి చూడూ 

నా మనసుకు వేరే పనులున్నాయి... నన్ను విడు... నన్ను విడు
ప్రేమించేందుకు తీరిక లేదు... చెయ్యి  విడు... చెయ్యి  విడు 

చరణం 1 :

ఆశలు నాలో రేపేవు... అనురాగం నీలో దాచేవు
ఆశలు నాలో రేపేవు... అనురాగం నీలో దాచేవు
ఇప్పుడు ఎంతగ కాదన్నా... తప్పించుకొని పోలేవు

నాకెన్నో బాధ్యతలున్నాయి... నామదిలో సంకెళ్ళున్నాయి
నాకెన్నో బాధ్యతలున్నాయి... నామదిలో సంకెళ్ళున్నాయి
నాతో నీకు ఉండదు హాయి... ఆశ వదులుకో అమ్మాయి... ఆశ వదులుకో అమ్మాయి

నా మనసుకు వేరే పనులున్నాయి... నన్ను విడు... నన్ను విడు
నా కన్నెవలపులో అమృతముంది... చవి చూడూ... చవి చూడూ  

చరణం 2 :

మనిషంటే మనసుండాలి... మనసుంటే అది ఇవ్వాలి
మనిషంటే మనసుండాలి... మనసుంటే అది ఇవ్వాలి
ఇచ్చిన మనసు.. నచ్చిన వయసు... ముచ్చట తీరా నవ్వాలి

నాలోనూ ఉన్నది మనసు... ఆ సంగతి నీకూ తెలుసు
నాలోనూ ఉన్నది మనసు... ఆ సంగతి నీకూ తెలుసు
చేయకు చెలిమిని అలుసు... ఇపుడే వేయకు వలపుల గొలుసు... వేయకు వలపుల గొలుసు 

నా మనసుకు వేరే పనులున్నాయి... నన్ను విడు... నన్ను విడు
నా కన్నులు నీకో కథ చెప్పాలి... కన్ను తెరు... కన్ను తెరు

నన్ను విడు... నన్ను విడు... హోయ్... కన్ను తెరు... కన్ను తెరు
హోయ్... నన్ను విడు... నన్ను విడు... కన్ను తెరు... కన్ను తెరు 

ఎవరికీ తలవంచకు

చిత్రం : నిండు సంసారం (1968)
సంగీతం : మాస్టర్ వేణు
గీతరచయిత : సినారె
నేపథ్య గానం : ఘంటసాల 

పల్లవి : 

ఎవరికీ తలవంచకు...  ఎవరినీ యాచించకు
గుండె బలమే నీ ఆయుధం... నిండుమనసే నీ ధనం
ఎవరికీ తలవంచకు...  ఎవరినీ యాచించకు

చరణం 1 :

కండలు పిండే కష్టజీవులకు తిండికి కరువుంటుందా?
కండలు పిండే కష్టజీవులకు తిండికి కరువుంటుందా?
నిజాయితీకై నిలిచేవారికి పరాజయం ఉంటుందా? 

మంచితనమ్మును మించిన పెన్నిధి...
మంచితనమ్మును మించిన పెన్నిధి... మనిషికి వేరే ఉందా
మనిషికి వేరే ఉందా 

ఎవరికీ తలవంచకు...  ఎవరినీ యాచించకు

చరణం 2 :

చాలీచాలని జీతంతో మిడిమేలపు కొలువులు కొలవకు
చాలీచాలని జీతంతో మిడిమేలపు కొలువులు కొలవకు

ముడుచుకుపోయిన ఆశలతో... హోయ్..  మిడిమిడి బ్రతుకును గడపకు
ముడుచుకుపోయిన ఆశలతో... హోయ్..  మిడిమిడి బ్రతుకును గడపకు
చీకటి రాజ్యం ఎంతోకాలం చెలాయించదని మరవకు... చెలాయించదని మరవకు

ఎవరికీ తలవంచకు...  ఎవరినీ యాచించకు

చరణం 3 :

జీవితమే ఒక వైకుంఠపాళి... నిజం తెలుసుకో భాయీ
జీవితమే ఒక వైకుంఠపాళి... నిజం తెలుసుకో భాయీ
ఎగరేసే నిచ్చెనలే కాదు... పడదోసే పాములు ఉంటాయి
చిరునవ్వులతో విషవలయాలను... ఛేదించి ముందుకు పదవోయి...
ఛేదించి ముందుకు పదవోయి 

ఎవరికీ తలవంచకు...  ఎవరినీ యాచించకు
గుండె బలమే నీ ఆయుధం... నిండుమనసే నీ ధనం
ఎవరికీ తలవంచకు...  ఎవరినీ యాచించకు

http://www.allbestsongs.com/telugu_songs/play-Telugu-Songs-iphone.php?plist=162