చిత్రం : కొత్త దంపతులు (1984)
సంగీతం : చక్రవర్తి
గీతరచయిత : వేటూరి
నేపథ్య గానం : బాలు, సుశీల
పల్లవి :
ఏ రాగభావాలతో... సంగీతముదయించునో
ఏ రాగభావాలతో... సంగీతముదయించునో
అనురాగభావాల కలయికలో... తన పూల పొదరింటి అల్లికలో
పసివాళ్ళ రాగాల.. నూరేళ్ళ యోగాలు.. చేసేది సంసారమే
ఏ రాగభావాలతో... సంగీతముదయించునో
చరణం 1 :
ఈ ప్రేమ తాంబూలమిచ్చిందిలే... మా ఇంటికి తోరణమై తోచిందిలే
అది సూర్య దీపాల వెలుగాయెలే... ఈ కంటికి వేకువలే చూపిందిలే
ఎదలోనే హరివిల్లు వెలుగుల పుట్టిల్లు... ప్రేమానురాగాలకే విరిజల్లు
కుసుమించు కాలాలలో...
ఆ నాటి కలలన్నీ... ఈనాడు కరిగించు కౌగిళ్ళ సంసారమే
ఏ తీపి స్వప్నాలతో... సంసారముదయించునో...
తొలి పూజగా పూసే మల్లికలు... మలి పూజగా కొత్త కోరికలు
శ్రుతి మించు రాగాలు జత చేసి పాడాలి సంసార సంగీతమే
ఏ తీపి స్వప్నాలతో... సంసారముదయించునో...
చరణం 2 :
పెళ్ళిళ్ళు నూరేళ్ళ ఫలితాలనీ ప్రేమించినవారికివే పాఠాలనీ
ఆ ప్రేమే కరువైన లోగిళ్ళలో... కన్నీరే కౌగిలిలో పొంగేనని... హా
పగలంతా పూజలకి... రేయంతా మోజులకి...
మావారు పంచారు ఇన్నాళ్ళకి
పరువాల పందిళ్ళలో...
అనురాగ గీతాలు అమృతాభిషేకాలు...
కోరాలి సంసారమై...
ఏ రాగభావాలతో... సంగీతముదయించునో
అనురాగభావాల కలయికలో... తన పూల పొదరింటి అల్లికలో
పసివాళ్ళ రాగాల... నూరేళ్ళ యోగాలు చేసేది సంసారమే
ఏ తీపి స్వప్నాలతో సంసారముదయించునో...
https://kuteeram.com/telugu_songs/play-Telugu-Songs-iphone.php?plist=6064
No comments:
Post a Comment