Saturday, June 13, 2020

అందాల జలపాతం

చిత్రం : భలే పాప (1971)
సంగీతం : ఆర్. సుదర్శనం
గీతరచయిత : దాశరథి
నేపథ్య గానం : సుశీల 



పల్లవి : 



అందాల జలపాతం చిందించు జల్లులలో
ఆనాడు ఒంటరిగా జలకాలాడానూ..  పులకించిపోయానూ


పొంగారు యెదమీది కొంగునే తీసానూ...
చాటుగా గమనించే కళ్ళనే చూసానూ
నా ఒళ్ళు జల్లనగా నన్ను నే మరిచానూ

అందాల జలపాతం చిందించు జల్లులలో
ఆనాడు ఒంటరిగా జలకాలాడానూ...  పులకించిపోయానూ



చరణం 1 :


శ్రీదేవి కోవెలలో సిందూర తిలకమునే... 
శ్రీదేవి కోవెలలో సిందూర తిలకమునే...
దీపాల కాంతులలో దిద్దుకొను సమయానా
ఆ కళ్ళే చూశానూ...  ఆశలో తేలానూ
ఆ కళ్ళే చూశానూ...  ఆశలో తేలానూ


మోజుతో రతనాలా గాజులే కొనువేళా
చేతిలో చైవేసీ చెంతకే చేరాడు
అమ్మమ్మ నా మేనూ చెమ్మగిల్లి పోయిందీ
ఓయమ్మొ నా వయసూ ఉరకలే  వేసిందీ



చరణం 2 :


సిరిమల్లె పూలన్నీ చేజారిపొయాయి
పరుగులే తీశాయి పాదాల వాలాయి
మా కళ్ళు కలిశాయి మనసులే విరిశాయి



చిక్కని చీకటిలో . ..... 
చిక్కని చీకటిలో...  చుక్కల్ల వెలుగులలో
చెక్కిళ్ళు ఏకమై మక్కువలు పెరిగాయీ
నా స్వామి కౌగిలిలో నే కరిగిపోయాను
నన్ను నే కానుకగా అర్పించుకున్నాను




https://kuteeram.com/telugu_songs/play-Telugu-Songs-iphone.php?plist=7271

No comments:

Post a Comment