శుభమస్తు శుభమస్తు

చిత్రం : శీలానికి శిక్ష (1976)
సంగీతం :  కె.వి. మహదేవన్
గీతరచయిత : వేటూరి
నేపథ్య గానం : బాలు, సుశీల   

పల్లవి :

శుభమస్తు... శుభమస్తు... అన్నదీ గుడిగంట
తథాస్తు...  తథాస్తు...  అనుకున్నది మనజంట
శుభమస్తు... శుభమస్తు... అన్నదీ గుడిగంట

చరణం 1 :

వయసు తోటలో తొలివలపు వసంతం   
మనసులో విరితేనెలు కురిసింది
మనువే తనువై అణువణువు వేణువై
నీ మమతై కవితై మెరిసింది...  నాలో మెరిసింది

శుభమస్తు... శుభమస్తు... అన్నదీ గుడిగంట

చరణం 2 :

గూటిపడవలో వెన్నెల ఏటవాలుగా పడుతుంటే
పైటజారు నీ పరువం మాట మాట అంటుంటే
మాటలే పాటలై మనసు పరవశిస్తుంటే
ఆ పాట జిలుగుపైటగా నిన్ను దాచుకుంటే.... ఆ... ఆ... ఆ

శుభమస్తు... శుభమస్తు... అన్నదీ గుడిగంట

చరణం 3 :

కలిసి మెలిసి కలకాలం బతికె
కలల పంట మనతియ్యని కాపురము
అది దిక్కులు దాచిన... దీపం వెలిగినా
దైవం వెలిసిన గోపురము...  గుడిగోపురము 

శుభమస్తు... శుభమస్తు... అన్నదీ గుడిగంట
తథాస్తు...  తథాస్తు...  అనుకున్నది మనజంట
శుభమస్తు... శుభమస్తు... అన్నదీ గుడిగంట

https://kuteeram.com/telugu_songs/play-Telugu-Songs-iphone.php?plist=4613