మ్రోగింపవే హృదయ వీణ

చిత్రం :  అన్న తమ్ముడు (1958)
సంగీతం :   అశ్వత్థామ
గీతరచయిత :  ఆచార్య బి.వి.ఎన్ 
నేపథ్య గానం :  జిక్కి 

పల్లవి : 

మ్రోగింపవే హృదయ వీణ... 
పలికింపవే మధుర ప్రేమ...
మ్రోగింపవే హృదయ వీణ

మృదుల మనోహర నాదముతో...
మృదుల మనోహర నాదముతో...
జీవితఫలమే  ప్రేమయనీ... 
అది కామితములలో మిన్నయని

మ్రోగింపవే హృదయవీణా... 

చరణం 1 :

సతిపతులను విరజాజిపువ్వులో
ప్రేమతావివై... పరిమళించుగా

  
సతిపతులను విరజాజిపువ్వులో
ప్రేమతావియై పరిమళించుగా

హృదయభారమును తీర్చి దంపతుల
మనసులొకటిగా మార్చును ప్రేమా... 

మ్రోగింపవే హృదయవీణా.. 

చరణం 2 :

ఎవరెవరో మది ఎరుగకున్ననూ
ఎదలో కదులును తీయనిబాధా..

 
ఎవరెవరో మది ఎరుగకున్ననూ
ఎదలో కదులును తీయనిబాధా

ప్రేమ ఎరుగదా తనవారెవరో
ప్రేమను బోలిన పెన్నిధిగలదా

మ్రోగింపవే హృదయవీణా.. 

చరణం 3 :

అనుబలమున పరిపాలన జేసెడి
మనుజరాక్షసుల మతములు మాపి  
అనుబలమున పరిపాలనజేసెడి
మనుజరాక్షసుల మతములు మాపి

విశ్వమానవుల కల్యాణానికి
నాందీగీతమై అలరును ప్రేమా...

 

మ్రోగింపవే హృదయ వీణ... 
పలికింపవే మధుర ప్రేమ...
మ్రోగింపవే హృదయ వీణ