పడమటింటిలో దీపం పెట్టి

చిత్రం : గోదావరి పొంగింది (1985)
సంగీతం : కె.వి. మహదేవన్
గీతరచయిత : వేటూరి
నేపథ్య గానం : బాలు, సుశీల

పల్లవి : 

ఆ.. ఆ.. ఆ.. ఆ.. ఆ..ఆ
ఆ.. ఆ.. ఆ.. ఆ... ఆ..
పడమటింటిలో దీపం పెట్టి...
పాపికొండల  పావడగట్టి...
కడలి చిందుల గజ్జలు కట్టి...
గోదారి ఏమన్నది... ఇంక మా దారి ప్రేమన్నది
గోదారి ఏమన్నది... ఇంక మా దారి ప్రేమన్నది

వేయి పడవల వెన్నెల పట్టి...
అలల నురుగుల ముగ్గులు పెట్టి...
కాపురానికి కౌగిలి పట్టి...
గోదారి ఏమన్నది... ప్రేమ పూదారి మనదన్నది
గోదారి ఏమన్నది... ప్రేమ పూదారి మనదన్నది

చరణం 1 :

ముక్కుపుడక మెరుపులే ముద్దుగుమ్మ పిలుపులై రవ్వంత రమ్మన్నవి
ఏటి గాలి తరగలే పైటలాగి వలపులా నీ జంట కమ్మన్నవి
ముక్కుపుడక మెరుపులే ముద్దుగుమ్మ పిలుపులై రవ్వంత రమ్మన్నవి
ఏటి గాలి తరగలే పైటలాగి వలపులా నీ జంట కమ్మన్నవి 

నీలాటి రేవులో చేపలన్నీ... నీలాల నీ కంటి పాపలైతే
నీలాటి రేవులో చేపలన్నీ... నీలాల నీ కంటి పాపలైతే

తెల్లబోయి చూసింది ఆ గౌతమి
మల్లెపూలు జల్లింది మందాకిని
మలిసంధ్య ఇచ్చేటి తాంబూలం పుచ్చుకొని...

గోదారి ఏమన్నది... ఇంక మా దారి ప్రేమన్నది
గోదారి ఏమన్నది... ఇంక మా దారి ప్రేమన్నది

చరణం 2 :

లేత కొబ్బరాకులా పూత పాల వెన్నెలా ఈవేళ ఏమన్నది
ఎండకన్ను సోకితే వెన్నెలన్న పిల్లకి ముదిరింది ప్రేమన్నది
లేత కొబ్బరాకులా పూత పాల వెన్నెలా ఈవేళ ఏమన్నది
ఎండకన్ను సోకితే వెన్నెలన్న పిల్లకి ముదిరింది ప్రేమన్నది

కడవెత్తుకొస్తున్న నన్ను జూసి... గొడవెక్కువౌతున్న నిన్ను జూసి
కడవెత్తుకొస్తున్న నన్ను జూసి... గొడవెక్కువౌతున్న నిన్ను జూసి
కొమ్మల్లో నవ్వింది ఓ కోయిలా.. మత్తెక్కి ఝుమ్మంది ఓ తుమ్మెద

పెదవుల్ని కలిపేటి పేరంటానికి వచ్చి
గోదారి ఏమన్నది... ఇంక ఏమన్న విననన్నది
గోదారి ఏమన్నది... ఇంక అహహ.. ఉం.. ఉం... ఉ..

ఎప్పట్లా గోదావరి

చిత్రం : గోదావరి పొంగింది (1985)
సంగీతం : కె.వి. మహదేవన్
గీతరచయిత : వేటూరి
నేపథ్య గానం : సుశీల

పల్లవి : 

ఎప్పట్లా గోదావరి ప్రవహిస్తోంది...
ఎప్పటివో జ్ఞాపకాలు పలికిస్తోంది
పర్ణశాల ఒరిగింది... పారాణి కరిగింది
కరగనీ.. ఒరగనీ.. పాపికొండ మిగిలింది
ఈ పాపికొండ మిగిలింది

ఎప్పట్లా గోదావరి ప్రవహిస్తోంది...

చరణం 1 :

వెనుకకు తిరగని కథలో... ముందుకు పోతే కడలి
కడలి తాను కలిసిందంటే... ఉండదు తల్లి గోదావరి
అంటరాని బాలికా అరుంధతి తారక..
అంటరాని బాలికా అరుంధతి తారక..
ఏ వశిష్టుడొస్తాడో నన్ను చేరగా...

ఎప్పట్లా గోదావరి ప్రవహిస్తోంది...

చరణం 2 :

కలిసిన మనసులా గుడిలో...  గాలికి ఆరని దీపం
అలల మీద ఆడే పడవై... ఊగిసలాడే ఈ ప్రాణం
కన్నీరే ఏరుగా.. నడి ఏరే రేవుగా
కన్నీరే ఏరుగా.. నడి ఏరే రేవుగా
ఎన్నాళ్ళీ ఆశలూ.. గుండె కోతలు...

ఎప్పట్లా గోదావరి ప్రవహిస్తోంది...
ఎప్పటివో జ్ఞాపకాలు పలికిస్తోంది
పర్ణశాల ఒరిగింది... పారాణి కరిగింది
కరగనీ.. ఒరగనీ.. పాపికొండ మిగిలింది
ఈ పాపికొండ మిగిలింది

ఎప్పట్లా గోదావరి ప్రవహిస్తోంది...

చిరంజీవి గోదావరి

చిత్రం : గోదావరి పొంగింది (1985)
సంగీతం : కె.వి. మహదేవన్
గీతరచయిత : వేటూరి
నేపథ్య గానం : బాలు  

పల్లవి : 

చిరంజీవి గోదావరి పడమటింట పుట్టింది
సౌభాగ్యవతి తాను తెలుగునాట మెట్టింది
దక్షిణాది గంగగా దయతో ఉప్పొంగుతూ...
కల్యాణిగా తాను కడలిలో కలిసింది 

మా ఇల్లు అత్తిల్లుగా...  చల్లగా వర్ధిల్లు గోదావరి
మా ఇల్లు అత్తిల్లుగా...  చల్లగా వర్ధిల్లు గోదావరి

చరణం 1 :

నాసికా త్రియంబకాన గోముఖాన పుట్టి
మహారాష్ట్ర లావణీల  మంజీరం కట్టి
నాసికా త్రియంబకాన గోముఖాన పుట్టి
మహారాష్ట్ర లావణీల  మంజీరం కట్టి

సీతమ్మ సిగలోనా మందారం చుట్టి...
శబరి తల్లి ఫలహారం రామయ్యకు పెట్టి
భవభూతి  శ్లోకమై... శ్రీనాథుడి సీసమై

మా ఇంటి మాలక్ష్మివై తల్లివై... వర్ధిల్లు గోదావరి
మా ఇంటి మాలక్ష్మివై తల్లివై... వర్ధిల్లు గోదావరి

చరణం 2 :

చాళుక్యుల వైభవాలు జగమంతా చాటి
నన్నయ్యకు తెలుగు కవిత ఉగ్గుపాలు పట్టి
చాళుక్యుల వైభవాలు జగమంతా చాటి
నన్నయ్యకు తెలుగు కవిత ఉగ్గుపాలు పట్టి

కోనసీమ పచ్చదనం కోకలుగా చుట్టి
సప్త ఋషులు సాగనంప సాగరాన మెట్టి
రామదాసు కీర్తనై.. పంచవటి గానమై

మా పాలి ఇలవేల్పువై వెల్లువై... వర్ధిల్లు గోదావరి
మా పాలి ఇలవేల్పువై వెల్లువై... వర్ధిల్లు గోదావరి

చిరంజీవి గోదావరి పడమటింట పుట్టింది
సౌభాగ్యవతి తాను తెలుగునాట మెట్టింది
దక్షిణాది గంగగా దయతో ఉప్పొంగుతూ
కల్యాణిగా తాను కడలిలో కలిసింది 

మా ఇల్లు అత్తిల్లుగా చల్లగా... వర్ధిల్లు గోదావరి
మా ఇల్లు అత్తిల్లుగా చల్లగా... వర్ధిల్లు గోదావరి